မစိုးရိမ်တိုက်သစ် မဟာအောင်မြေ‘s photo.
မဟာနာယကချုပ်ဆရာတော် ဘဒ္ဒန္တရာဇဓမ္မာဘိဝံသ ၏သြ၀ါဒမိန့်ခွန်း
မင်းတို့နိုင်ငံက ရှင်းရှင်းပြောမယ်
လူကြီးရော လူငယ်ရော အူခြောင်ခြောင်တွေများတယ်၊ တယောက်ပါတီထောင်တယ်ဆိုရင်
အဟုတ်မှတ်ပြီး ပါတီထောင်၊ အဲသလိုကိုက များနေတယ်၊
အဲဒါ မှတ်ထား
ဥဒါရစရိတာနံ တု ၀သုဓေ၀ ကုဋုမ္ဗကံ
ဥဒါရစရိတာနံ – မြင့်မြတ်တဲ့ စိတ်ထားရှိတဲ့ ပုဂိုလ်တွေကတော့- ၀သုဓာ – မြေတပြင်လုံးမှာ ရှိတဲ့ လူသားအားလုံးသည်။ ကုဋုမ္ဗကံ ကုဋုမ္ဗကံဧ၀။ ငါတို့ရဲ့မိသားစုကြီး တခုတည်းသားတည်း။(၀ါ) ငါတို့ရဲ့ အိမ်ထောင်စုကြီး တခုသာတည်းလို့ မြင့်မြတ်တဲ့စိတ်ထားရှိတဲ့ ပုဂိုလ်တွေက အဲသလို စိတ်ထားရှိတယ်တဲ့။
သူ့ပါတီ ငါ့ပါတီလို့ မခွဲခြားဘူး၊ အဲသလို မခွဲခြားတဲ့နိုင်ငံတွေ ကမ္ဘာမှာ ကြည့် မင်းတို့ တိုးတက်တာပဲ။
မင်းတို့က ပြောမှာပေါ့ကွ။ ဟာ ဆရာတော်နှယ် အမေရိကန်လဲ Republicam, Democratic တို့ ရှိတာပဲ၊ အင်္ဂလန်လဲ Labour (labor), Conservative ဆိုတာ ရှိတာပဲ။ ဟုတ်တယ်။ သူတို့က ပါတီနှစ်ခု သုံးခု အများဆုံးရှိ အဲသလောက်ပဲ။ သူတို့ ပါတီချင်း ရန်မဖြစ်ဘူးလားဆိုတော့ လွှတ်တော်ထဲမှာ ရန်ဖြစ်ပါတယ်။ လက်သီးလက်မောင်းတန်းပြီး ငြင်းတာတွေ ခုန်တာတွေလုပ်တာပဲ။
ဒါပေမဲ့ တိုင်ပြည်အကျိုးရှိမယ့် လုပ်ငန်းမှန်သမျှတွေကို သူတို့က အမြဲတမ်းလက်တွဲပြီးတော့ လုပ်လေ့ရှိတယ်ဗျ။ အဲသလို လက်တွဲလုပ်တဲ့အတွက် အဲဒီနိုင်ငံတွေ မင်းတို့ တိုးတက်တယ်။
ဟိုတုန်းက ပြင်သစ်မှာ ဒုတိယကမ္ဘာစစ်ပြီးတော့ အစိုးရမတည်ငြိမ်ဘူး၊ (၇)ရက်နဲ့ အစိုးရပြုတ်ကျ၊ (၁၅)ရက်နဲ့ ပြုတ်ကျ၊ တလနဲ့ပြုတ်ကျ၊ အစိုးရအပြောင်းအလဲ ခဏခဏဖြစ်တယ် ပြင်သစ်မှာ။ နောက် ဒီဂေါ တက်လာတယ်။ ဒီဂေါတက်လာတော့ ပြင်သစ်နိုင်ငံ ဒီလို သူတလူ ငါတမင်းလုပ်ရင် ဘယ်တော့မှ ကြီးမြတ်တဲ့နိုင်ငံ မဖြစ်ဘူး။ နိုင်ငံကြီးစာရင်းမှာ မ၀င်နိုင်ဘူး၊ ဒီတော့ ညီညီညွတ်ညွတ်လုပ်ကြမှ ဖြစ်မယ်ဆိုတဲ့ ယူဆချက်နဲ့ သူက ညီညီညွတ်နဲ့ လုပ်တဲ့အတွက် ဒီဂေါတို့ လက်ထက်ကျမှ ပြင်သစ်က တိုးတက်လာတာ၊ အဲဒါ မှတ်ထား။
ဒို့ဗမာနိုင်ငံမှာလဲ ခုနက ဥဒါရစရိတာနံ တု ၀သုဓေ၀ ကုဋုမ္ဗကံ
ဆိုတဲ့အတိုင်းပဲ ၀သုဓာ မြေတပြင်လုံးမှာ ရှိတဲ့ မြန်မာပြည်တပြည်လုံးမှာ ရှိတဲ့ လူသားအားလုံးသည် ။ ကုဋုမ္ဗကံ ကုဋုမ္ဗကံဧ၀၊ ငါတို့ရဲ့ မိသားစုကြီးတခုတည်းသာတည်း၊ ငါတို့ရဲ့ အိမ်ထောင်စုကြီး တခုတည်းသာတည်း-လို့ စိတ်ထားပြီးတော့ ငြိမ်းချမ်းရေးတရားဟောဖို့ တိုက်တွန်းရင်း ငါ့ရဲ့ သြ၀ါဒကထာကို နိဂုံးချုပ်ပါတယ်၊
၁၃၇၀-ခုနှစ် အာစ၇ိယပူဇော်ပွဲ သြ၀ါဒ မိန့်ခွန်းမှ
