Leave a comment

ဗိုလ်ချုပ်အောင်ဆန်း အတ္ထုပ္ပတ္တိ ရှင်းတမ်း – အပိုင်း (၁ ၊ ၂ ၊ ၃ )

ဗိုလ်ချုပ်အောင်ဆန်း အတ္ထုပ္ပတ္တိ ရှင်းတမ်း – အပိုင်း(၁)
By သန်းဝင်းလှိုင်

ဗိုလ်ချုပ်အောင်ဆန်း၏ မွေးနေ့ဖြစ်သလို မြန်မာနိုင်ငံကလေးများနေ့လည်း ဖြစ်သည်။ ဗိုလ်ချုပ်သာသက်ရှိထင်ရှားရှိခဲ့သော် ယခုနှစ်ဆိုလျှင် အသက် ၉၇ နှစ် ရှိပြီဖြစ်သည်။
၂၀၁၁ ခုနှစ်တွင် အစိုးရသစ်တက်လာပြီးနောက် စာပေစိစစ်ရေးနှင့် မှတ်ပုံတင်ဌာနမှ ဗိုလ်ချုပ်အောင်ဆန်းနှင့်ပတ်သက်သည့် စာအုပ်များကို ရေးသား၊ ပုံနှိပ်ထုတ်ဝေခွင့်ပြုလိုက်သဖြင့် ဗိုလ်ချုပ်အောင်ဆန်းနှင့် ပတ်သက်သော စာအုပ်ပေါင်း (၁၀၀) နီးပါးခန့် ထုတ်ဝေဖြန့်ချိလာ သည်ကိုတွေ့ရသည်။ အဆိုပါစာအုပ်များအနက် အများစုမှာ ယခင်နှစ် ၅၀ အတွင်းကထုတ်ဝေခဲ့ပြီးသောစာအုပ်များကို ပြန်လည်ထုတ်ဝေ ခဲ့သလို ပြန်လည်ရေးသားထားသည့် စာအုပ်အသစ်များကို လည်းတွေ့ရသည်။ အချို့စာအုပ်များသည် တချိန်က ကလောင်စုံရေးသားခဲ့သည့် ဗိုလ်ချုပ်နှင့်ပတ်သက်သောဆောင်းပါးများကို စုစည်းထားသလို ဗိုလ်ချုပ်အောင်ဆန်းအတ္ထုပ္ပတ္တိစာအုပ် ၄၊ ၅ အုပ်ကိုမှီး၍ ပြန်လည်ရေး သားထားသည့် စာအုပ်များလည်း ပါရှိသည်။
သို့သော် ဗိုလ်ချုပ်စာအုပ်များကို လေ့လာဖတ်ရှုပါကအများစုမှာ ရက်စွဲအမှတ်မှားမှုများ၊ ဖြစ်ရပ်မှန်လွဲချော်မှုများ၊ မခိုင်လုံသော ပါးစပ်ရာဇ ၀င်၊ ထင်မြင်သုံးသပ်ချက်၊ စသည့်အမှားအများအပြားတွေ့ရှိရသည်။
အဆိုပါ အမှားများကိုမည်သူ့ကိုမျှ နစ်နာစေလိုသော၊ ဆရာကြီးလုပ်လိုသောရည်ရွယ်ချက်မရှိဘဲ၊ မျိုးဆက်သစ်လူငယ်များ သမိုင်းဖြစ်ရပ်မှန် ကို ချိန်ထိုးလေ့လာဆည်းပူးနိုင်စေရန် ရည်ရွယ်၍ အမှန်ကိုထောက်ပြလိုပါသည်။

● မွေးသက္ကရာဇ်အမှား

မြန်မာ့တပ်မတော်ဖခင်ကြီးနှင့် မြန်မာ့လွတ်လပ်ရေးဗိသုကာ ဗိုလ်ချုပ်အောင်ဆန်းကို မကွေးတိုင်း မြေလတ်ဒေသ နတ်မောက်မြို့ကလေး၌ အဖ တတိယတန်းရှေ့နေ၊ အမိ ဒေါ်စုတို့မှ မြန်မာသက္ကရာဇ် ၁၂၇၆ ခု၊ တပေါင်းလဆန်း ၁ ရက် (ခရစ်နှစ် ၁၉၁၅ ခု၊ ဖေဖော်ဝါရီ ၁၃ ရက်) စနေနေ့တွင် နံနက် ၅ နာရီ ၃၅ မိနစ်၌ ဖွားမြင်ခဲ့သည်။
ဗိုလ်ချုပ်၏ မွေးသက္ကရာဇ်နှင့်ပတ်သက်၍ အလင်္ကာကျော်စွာဆရာကြီးသခင်ကိုယ်တော်မှိုင်းတည်းဖြတ်ပြီး၊ ဗိုလ်ချုပ်နှင့် ခေတ်ပြိုင်စာရေး ဆရာ၊ ရဲဘော်၊ နိုင်ငံရေးလုပ်ဖော်ကိုင်ဘက်များနှင့် ကျောင်းနေဘက်သူငယ်ချင်းများစုပေါင်းရေးသား၍ ၁၉၅၁ ခုနှစ်၊ နိုဝင်ဘာလတွင် အမျိုးသား ပုံနှိပ်တိုက်မှထုတ်ဝေခဲ့သော `ဗိုလ်ချုပ်အောင်ဆန်းအတ္ထုပ္ပတ္တိ´ စာအုပ်၌ ဗိုလ်ချုပ်အောင်ဆန်းကိုယ်တိုင်ရေးသားခဲ့သောသူ့အတ္ထုပ္ပတ္တိအကျဉ်း၌-
“…. ရက်အနည်းငယ်ခန့်ကြာသောအခါ တစ်မိုင်လောက်ကွာဝေးသော အခြားရွာတစ်ရွာမှာနေသည့် မိဘများ လက်သုံးဖြစ်သောဗေဒင်ဆရာ သည် ပေရွက်တွင်ရေးဖွဲ့၍ ရေနံချေးသုတ်ထားသော ရက်ချုပ်ဇာတာကို ကျနော်တို့အိမ်သို့ ယူဆောင်လာလေ၏။ ဇာတာအဆိုကား ဇေယျ တုသဗ္ဗမင်္ဂလံ။ သက္ကရာဇ် ၁၂၇၆ ခု တပေါင်းလဆန်း ၁ ရက်။ စနေနေ့အ၀င် ၄ – ချက် မတီးမီ ၆ – နာရီ၊ ၃ – ပါဒ်၊ ၁၃ – ဗီဇနာ၊ ၄ – ပြန်၊ ၂ – ခရာ စက်နာရီ ၆ နာရီခန့်တွင် ကြည်လင်သဒ္ဓါမြတ်နိုးစွာဖြင့် ရတနာသုံးပါးဦးထိပ်ထားလျှက် ဘုန်း၊ တန်ခိုး၊ တေဇော၊ ဉာဏ်ပညာနှင့် စုံစွာပြည့်ငြားသတို့သားကို မာတာမိခင်ဖွားသန့်စင်သည် တွင် ညီသညာခေါ်စရာကားနာမရှိန်ဝင်း – မောင်ထိန်လင်း။ သံဒိဘုတ္တိဇာတာအာယု ၁၂၀ ရှည်စေသော်ဝ်” ဟူ၍ ဖော်ပြထားသည်။
သို့သော် ၁၉၅၅ ခုနှစ် ပြည်ထောင်စုမြန်မာနိုင်ငံအစိုးရ ပြန်ကြားရေးဌာနမှဝေသော `ဗိုလ်ချုပ်အောင်ဆန်း´ စာအုပ်၌ ၁၉၁၆ ဖေဖော်ဝါရီ ၁၃ စနေနေ့ မကွေးခရိုင်၊ နတ်မောက်မြို့၊ အဘအမိန့်တော်ရ ရှေ့နေ ဦးဖား၊ အမိ ဒေါ်စုတို့မှ ဖွားမြင်သည်ဟ ဖော်ပြထားပါသည်။ အဆိုပါစာ အုပ်၌ ဗိုလ်ချုပ်၏ဖခင်၏အမည် ဦးဖာကို ဦးဖားဟူ၍ရေးသားထားခြင်း၊ ဗိုလ်ချုပ်၏မွေးသက္ကရာဇ် ၁၉၁၆ ဖေဖော်ဝါရီလ ၁၃ ရက် စနေနေ့ ဟူ၍ မှားယွင်းစွာဖော်ပြထားပါသည်။ ၁၉၁၆ ဖေဖော်ဝါရီလ ၁၃ ရက်သည် စနေနေ့မဟုတ်ဘဲ တနင်္ဂနွေနေ့သာဖြစ်သည်။

● ငယ်နာမည် အမှား

ဗိုလ်ချုပ်အောင်ဆန်း၏ ငယ်နာမည်မှာ မောင်အောင်ဆန်းဖြစ်သည်။ သို့သော် အချို့စာအုပ်များ၌ ဗိုလ်ချုပ်၏ ငယ်မည်ကို `မောင်ထိန်လင်း´ ဟူ၍ ဖော်ပြထားကြသည်။ စင်စစ် `ထိန်လင်း´ အမည်မှာ ဇာတာထဲ၌ ဗေဒင်ဆရာက နေ့နာမ်အလိုက် မှည့်ထားသော နာမည်ဖြစ်သည်။ မည်သည့် အခါမှ မခေါ်တွင်ခဲ့ဟု ဗိုလ်ချုပ်အောင်ဆန်း၏ အစ်ကို (နို့ညှာ) ဦးအောင်သန်း၏ `အောင်ဆန်း´ စာအုပ် (၂၀၁၁ ဇွန်လ ပဉ္စ မကြိမ် တကောင်းစာပေတိုက်ထုတ်) စာမျက်နှာ ၁၅ ၌ အောက်ပါအတိုင်း ရေးသားထားပါသည်။
“ကျနော် ၃ နှစ် ၆ လ ၅ ရက်သားအရွယ်ရောက်သောအခါ ညီကလေးတစ်ယောက်ရပါသည်။ ညီလေးတစ်နှစ်ကျော်အရွယ် (၁၉၁၆) ရောက်သောအခါ နာမည်ပေးရန် စဉ်းစားကြပါသည်။ ကျနော်က `ကျုပ်အောင်သန်းဆို သူ အောင်ဆန်းပေါ့ဗျာ´ ဟုပြောလိုက်ရာ အားလုံး က လက်ခံကြပါသည်။ စနေသားဖြစ်သည့်အတိုင်း ဇာတာထဲ၌ `ထိန်လင်း´ဟု နေ့နာမ်အလိုက် မှည့်ထားသော်လည်း `အောင်ဆန်း´ ဟု သာ တွင်နေပါတော့သည်။ ထိန်လင်းသည် ဇာတာဖွဲ့သူပေးသော နာမည်မျှသာဖြစ်သည်။ အချို့ထင်နေသကဲ့သို့ ငယ်နာမည်မဟုတ်ပါ။ မည့်သည့်အခါမျှ `ထိန်လင်း´ ဟု မခေါ်ခဲ့ကြပါ”

● မွေးချင်းစာရင်း အမှား

ဗိုလ်ချုပ်အောင်ဆန်းသည် ဦးဖာ၊ ဒေါ်စု၏ သားသမီးများအနက် အထွေးဆုံးသားဖြစ်ပြီး မွေးချင်း (၉) ယောက်ရှိသည်။ ယင်းတို့မှာ-
(၁) အစ်မကြီး မခင်ညွန့် (လယ်ဝန်ကတော်၊ အသက် ၅၀ အရွယ်၊ ၁၉၄၆တွင် ကွယ်လွန်သည်။)
(၂) အစ်မလတ် မ၀က် (အပျိုကြီး၊ ၁၉၅၆ မေ ၂၂ တွင် ကွယ်လွန်သည်)
(၃) အစ်ကိုကြီး မောင်ဘ၀င်း (B.A, B.Sc., ၁၉၀၁ ဇွန် ၁၁ ဖွားဖြစ်၍ ဗိုလ်ချုပ်တို့နှင့်အတူ ၁၉၄၇ ဇူလိုင် ၁၉ တွင် ကျဆုံးခဲ့သည်။)
(၄) အစ်မ မရွှေမှန် (ငယ်စဉ်က ကွယ်လွန်)
(၅) အစ်ကို မောင်နေအောင် (အမိန့်တော်ရ ရှေ့နေ၊ ၁၉၀၅ ခုနှစ်ဖွား။)
(၆) အစ်ကို မောင်ညိုမောင် (ငယ်စဉ်က ကွယ်လွန်)
(၇) အစ်ကို မောင်ထွန်းလင်း (ငယ်စဉ်က ကွယ်လွန်)
(၈) အစ်ကို မောင်အောင်သန်း (B.A ၊ ၁၉၁၁- ၁၉၉၁)
(၉) မောင်အောင်ဆန်း (၁၉၁၅ ဖေဖော်ဝါရီ ၁၃ ဖွားမြင်၍၊ ၁၉၄၇ ဇူလိုင် ၁၉ တွင် ကျဆုံးသည်) တို့ ဖြစ်ကြသည်။
သို့သော် ဆရာကြီးသခင်ကိုယ်တော်မှိုင်း ၁၉၄၇ ဒီဇင်ဘာလ ၁၁ရက်နေ့တွင် ရေးသားခဲ့သော `အာဇာနည်ဗိမာန်ဋီကာ´ စာအုပ်၌ ဗိုလ်ချုပ် အောင်ဆန်း၏မွေးချင်းများကို ဤသို့ ဖော်ပြထားသည်။
(၁) မခင်ညွှန့်
(၂) မ၀က်
(၃) မောင်ဘ၀င်း
(၄) မရွှေမှန်
(၅) မောင်နေအောင်
(၆) သား (၂) ယောက် (ပုခက်တွင်းကပင် ကွယ်လွန်)
(၇) မောင်အောင်သန်း
(၈) မောင်အောင်ဆန်းတို့ဖြစ်ကြသည်။
ထိုနည်းတူစွာ ၂၀၁၀ ပြည့်နှစ် ဒီဇင်ဘာလ ဖူဂျီယာမစာအုပ်တိုက်မှ တတိယအကြိမ်မြောက်ထုတ်ဝေသော သတင်းစာဆရာ ဦးပုကလေး၏ `ငါတို့ဗိုလ်ချုပ် ဘာတွေလုပ်ခဲ့သလဲ´ စာအုပ် စာ ၉၂ ၌ ယင်းအတိုင်းပင် ရေးသားဖော်ပြထားသည်။
၂၀၁၁ စက်တင်ဘာလ၌ တကောင်းစာပေတိုက်မှ စတုတ္ထအကြိမ်မြောက်ထုတ်ဝေသော ဗိုလ်ချုပ်အစ်ကို ဦးအောင်သန်း၏ `အောင်ဆန်း မိသားစု´ စာအုပ် စာမျက်နှာ ၄၅ ၌ လည်း ဗိုလ်ချုပ်၏ မွေးချင်းမောင်နှမများကို-
(၁) မခင်ညွှန့်
(၂) မ၀က်
(၃) ကိုဘ၀င်း
(၄) မရွှေမှန် (၁၃ နှစ် အရွယ်လောက်တွင် ဆုံးသည်။)
(၅) ကိုနေအောင်
(၆) ညိုမောင် (ကလေးအရွယ်တွင် ဆုံးသည်။)
(၇) အခြားယောက်ျားကလေးတစ်ယောက် (ကလေးအရွယ်တွင် သေဆုံးသည်။)
(၈) အောင်သန်း
(၉) အောင်ဆန်း (၁၉၁၅ ဖေဖော်ဝါရီလ ၁၃ တွင် ဖွား၍ ၁၉၄၇ ဇူလိုင် ၁၉ တွင် ကျဆုံးသည်) ဟူ၍ ဖော်ပြထားသည်။

● ဗိုလ်ချုပ်ဖခင် ကွယ်လွန်ရက်အမှား

ဗိုလ်ချုပ်၏ဖခင် ဦးဖာကွယ်လွန်ရက်သည်လည်း ကွဲလွဲနေပြန်သည်။ ကွဲလွဲမှုများအနက် ဗိုလ်ချုပ်၏အစ်ကို ဦးအောင်သန်း၏ `အောင် ဆန်းမိသားစု´ စာအုပ် စာမျက်နှာ ၁၈၌-
“ငါးပါးသီလမြဲသူ၊ ကံယုံသူ လူရိုးလူကောင်းကြီး ဦးဖာသည် အသက် ၆၄ နှစ်အရွယ်တွင် နတ်မောက်မြို့၌ပင် နှစ်လခန့် နာမကျန်းဖြစ်ပြီး နောက် ၁၉၃၁ ခု မေလ ၁၈ ရက်နေ့တွင် ကွယ်လွန်သွားလေသည်။” ဟူ၍ ဖော်ပြထားသည်။
သို့သော် ဗိုလ်ချုပ်နှင့်အတူ နတ်မောက်မြို့သို့ ၁၉၄၇ မတ်၂၅တွင် လိုက်ပါခဲ့သော သတင်းစာဆရာ ဦးပုကလေး၏ `ငါတို့ဗိုလ်ချုပ်´ (ပညာ ရွှေတောင် စာအုပ်တိုက်၊ တတိယအကြိမ် ၂၀၁၀ ဒီဇင်ဘာလထုတ်) စာမျက်နှာ ၄၈ နှင့် ၅၂ ၌-
“(ဗိုလ်ချုပ်သည်) နတ်မောက်မြို့တွင် မွေးသမိခင်နှင့် ရင်းချာသော ဆွေမျိုးညာတိတို့ရှိကြသော်လည်း ကိုးနှစ်ပြန်မရောက်ဘဲနေခဲ့ရာ ၁၉၄၇ ၊ မတ်လ (၂၅)ရက် (တန်ခူးလဆန်း ၄ရက်) နေ့ကမှ ပြန်လည်ရောက်ရှိသည်။ ဗိုလ်ချုပ်သည် နတ်မောက်မြို့သို့ မ၀င်မီ မွေးသဖခင် (ဦးဖာ) ၏ သင်္ချိုင်းကို ၀င်ရောက်ကန်တော့၏။ ဗိုလ်ချုပ်၏ဖခင် ဦးဖာမှာ ကုန်သည်မျိုးရိုး ဦးဒေကိုး၊ ဒေါ်ဆွဲလေးတို့၏ တစ်ယောက်တည်းသော သားဖြစ်သည်။ ဦးဖာသည် ရှေ့နေစာမေးပွဲကိုအောင်မြင်သော်လည်း ရှေ့နေမလိုက်ဘဲ ကုန်သည်ပွဲစားအဖြစ် လုပ်ကိုင်နေထိုင်လျက်ရှိရာ မြန်မာ သက္ကရာဇ် ၁၂၉၃ခု၊ နယုန်လဆုတ် (၉)ရက် (၁၉၃၁ခုနှစ် ဇွန်လ ၈ ရက်) တနင်္လာနေ့တွင် ကွယ်လွန်အနိစ္စရောက်၏´ ဟူ၍ ဖော်ပြထားသည်။ သတင်းစာဆရာ ဦးပုကလေးသည် ဗိုလ်ချုပ်၏ ဖခင်အုတ်ဂူ၌ ရေးထိုးထားသော သချိုင်္ိင်းစာကိုမှတ်သား၍ ရေးသားထား ခြင်းဖြစ်သည်ဟု ဆိုသည်။ ဗိုလ်ချုပ်အစ်ကို ဦးအောင်သန်းသည် ဖခင်ကြီးကွယ်လွန်စဉ်က နတ်မောက်မြို့၌မရှိဘဲ ရန်ကုန်တက္ကသိုလ်၌ ပညာသင်ကြားနေပြီး နတ်မောက်မြို့သို့ အသုဘရှုမပြန်ခဲ့ပေ။ ဗိုလ်ချုပ်နှင့် အစ်ကိုကြီး ဦးဘ၀င်းတို့သည်သာ ရေနံချောင်းမြို့မှ နတ်မောက် မြို့သို့ ပြန်၍ ဖခင်ကြီးနာရေးပြီးသည်အထိ နတ်မောက်မြို့၌ နေထိုင်ခဲ့လေသည်။ ထိုစဉ်က ဗိုလ်ချုပ်သည် ရေနံချောင်းအမျိုးသားအထက်တန်းကျောင်း၌ အဋ္ဌမတန်းကျောင်းသားအဖြစ် ပညာသင်ယူလျက်ရှိပြီး အစ်ကိုကြီးဦးဘ၀င်းမှာ ၎င်းကျောင်းမှ ကျောင်းဆရာတစ်ဦးဖြစ် သည်။”
ယင်းနှင့်ပတ်သက်၍ ဦးအောင်သန်း၏ `အောင်ဆန်း´ စာအုပ် စာမျက်နှာ ၉၆ ၌-
“နွေရာသီကျောင်းပိတ်ရက်အတွင်း နတ်မောက်ပြန်ရောက်နေသော ဦးဘ၀င်းနှင့် အောင်ဆန်းတို့မှာ ဖခင်ဈာပနကိစ္စပြီးမှ ပြန်ရရာ ကျောင်း ပြန်ရောက်နောက်ကျနေ၏။ မြန်မာစာဆရာကြီး ဦးဘသိန်းက မောင်အောင်ဆန်းအား “မင်းတို့ ဘာလို့နောက်ကျသလဲ” ဟုမေးရာ “အဖေ မမာလို့” ဟု ဖြေ၏။ “အခု မာသွားပလား” ဟု ဆရာကြီးကဆက်မေးရာ “သေပြီ” ဟု အောင်ဆန်းက ပြန်ဖြေ၏။ ထိုသို့ဖြေပုံကို ဆရာကြီး ဦးဘသိန်းက အစ်ကိုကြီးအားပြောပြီး အစ်ကိုကြီးက ကျွန်တော့်အား တဆင့်ပြန်ပြောသဖြင့် ကျွန်တော်တို့ရယ်ကြရ၏။´ ဟူ၍ ဖော်ပြထား သည်။
ထို့ကြောင့် ဖခင်ကြီးကွယ်လွန်စဉ် နတ်မောက်မြို့သို့ မပြန်ခဲ့ရုံမျှမက၊ ဖခင်ကြီးသင်္ချိုင်းသို့လည်း မည်သည့်အခါမှ မသွားရောက်ခဲ့သော ဦးအောင်ဆန်း၏ ဖခင်ကြီးကွယ်လွန်သည့် ရက်စွဲမှတ်တမ်းကို ပယ်ရမည်ဖြစ်သည်။

● ဗမာ့ထွက်ရပ်ဂိုဏ်း တည်ထောင်သည့် နေ့စွဲအမှား

ဗိုလ်ချုပ်အောင်ဆန်းသည် ၁၉၃၉ စက်တင်ဘာလ ၁ ရက်နေ့တွင် ဒေါက်တာဘမော်၏အိမ်တွင် အထူးအစည်းအဝေးတရပ်ကျင်းပကာ သခင်ကိုယ်တော်မှိုင်းကြီးမှူးသော တို့ဗမာအစည်းအရုံးအဖွဲ့ဝင်များ၊ ဒေါက်တာဘမော်၏ ဆင်းရဲသားဝံသာနုအဖွဲ့ဝင်များ၊ နေပြည်တော် အဖွဲ့ဝင်များ၊ ငါးပွင့်ဆိုင် ၀ံသာနုအဖွဲ့ဝင်များ၊ အခြားအဖွဲ့အစည်းအချို့မှ ထင်ရှားသည့်ပုဂ္ဂိုလ်များဖြင့် ပူးပေါင်း၍ `ဗမာ့ထွက်ရပ်ဂိုဏ်း´ (Burma Freedom Bloc) ကို ဖွဲ့စည်းတည်ထောင်ခဲ့သည်။ အဆိုပါအဖွဲ့၌ အဖွဲ့ခေါင်းဆောင်မှာ ဒေါက်တာဘမော်ဖြစ်ပြီး အထွေထွေအတွင်း ရေးမှူးမှာ သခင်အောင်ဆန်းဖြစ်သည်။ သခင်သန်းထွန်း၊ သခင်လှဘော်၊ သခင်မြ၊ သခင်နု၊ ဦးလှမင်း၊ ဒေါက်တာသိန်းမောင်၊ ဗန္ဓုလဦးစိန်၊ ဦးဘရွှေ (မန္တလေး)၊ ဦးထွန်းအောင်၊ စောဖေသာ၊ ဦးဘဦး(မန္တလေး) တို့သည် အဖွဲ့ဝင်များဖြစ်ကြသည်။
သို့သော် သူရိယသတင်းစာအတွဲ ၂၅၊ အမှတ် ၂၀၈ (အောက်တိုဘာ ၁၁ရက်၊ ၁၉၃၉) ထုတ်၌ ဗမာ့ထွက်ရပ်ဂိုဏ်း (ဗမာ့လွတ်လပ်ရေးဂိုဏ်း) ကို ၁၉၃၉ခုနှစ် အောက်တိုဘာလ ၁ ရက်နေ့ဟူ၍ ဖော်ပြထားလေသည်။ ၂၀၁၀ပြည့်နှစ် ဒီဇင်ဘာလ စတုတ္ထအကြိမ်အဖြစ် အားမာန် သစ်စာပေတိုက်မှထုတ်ဝေသော မြဟန်၏ `ကိုလိုနီခေတ်မြန်မာ့သမိုင်းအဘိဓာန်´ စာမျက်နှာ ၂၇၉ ၌လည်း ယင်းအတိုင်းပင် ဖော်ပြထား သည်။ ပညာရေးဝန်ကြီးဌာန အခြေခံပညာသင်ရိုးညွှန်းတမ်း သင်ရိုးမာတိကာနှင့် ကျောင်းသုံးစာအုပ်ကော်မတီက ပြုစုသည့် အဋ္ဌမတန်း သမိုင်းပြဌာန်း စာအုပ်၌ ၁၉၃၉ စက်တင်ဘာလ ၁ ရက်တွင် တို့ဗမာအစည်းအရုံး၏ အထူးအစည်းအဝေးကျင်းပကာ ဂိုဏ်းဂဏပါတီမရွေး လွတ်လပ်ရေး မြတ်နိုးသူတိုင်း ပါဝင်သော အဖွဲ့တစ်ခုကို တည်ထောင်ရန်ဆုံးဖြတ်ခဲ့ကြသည်။ ထိုဆုံးဖြတ်ချက်အရ ၁၉၃၉ အောက်တိုဘာ ၁ ရက်တွင် တို့ဗမာအစည်းအရုံး၊ ဒေါက်တာဘမော်၏ဆင်းရဲသားဝံသာနုအဖွဲ့၊ ငါးပွင့်ဆိုင်အဖွဲ့တို့နှင့်ပူးပေါင်းပြီး ဗမာ့ထွက်ရပ်ဂိုဏ်းကို ဖွဲ့စည်းလိုက်သည်ဟူ၍ ဖော်ပြထားပြန်သည်။
မည်သို့ဆိုစေ … ဗိုလ်ချုပ်အောင်ဆန်း ၁၉၄၃ ခု သြဂုတ်လ ၁ ရက်နေ့ထုတ် ဗမာ့ခေတ်သတင်းစာတွင် “ဗမာ့လွတ်လပ်ရေး အရေးတော်ပုံ” အမည်ရှိ ဆောင်းပါးကိုရေးသားခဲ့ရာ၊ ယင်း၌ -
“ကျွန်ပ်ထင်သကဲ့သို့ပင် အမှန်စင်စစ် ဖြစ်ရတော့၏။ ၁၉၃၉ ခု၊ စက်တင်ဘာလ ၃ ရက်နေ့တွင် ဥရောပစစ် စတင်တိုက်လေသည်။ (ကျွန်ပ်၏ အမှတ်အသား မမှားပါက) စစ်မကြေညာမီ ၂ ရက် (စက်တင်ဘာလ ၁ရက်) ကပင် တို့ဗမာအစည်းအရုံးပြည်လုံးဆိုင်ရာ အလုပ်အမှုဆောင် အဖွဲ့၏ အထူးအစည်းအဝေးပွဲကိုကျင်းပကာ ပါတီမရွေး ဗမာ့လွတ်လပ်ရေးကို ချစ်သူအားလုံးပါဝင်၍ တို့ဗမာအစည်းအရုံးနှင့် ဒေါက်တာဘမော်၏ဆင်းရဲသားအစည်းအရုံးကို အခြေထားလျက် ဗမာ့ထွက်ရပ်ဂိုဏ်းတစ်ခုကို တည်ထောင်ရန်ကို ဆုံးဖြတ်ခဲ့ကြလေသည်။
အမှန်ပေါ်ပေါက်လာတော့ဖြစ်သော ကမ္ဘာစစ်ကို ကြိုက်၍ ဆုံးဖြတ်ချက်ချမှတ်ကြခြင်းဖြစ်၏။ ဤဆုံးဖြတ်ချက်အတိုင်းပင် ဗမာ့ထွက်ရပ်ဂိုဏ်း ကြီးကိုလည်း ဖွဲ့စည်းမိလေသည်။” ဟူ၍ ရေးသာဖော်ပြထားလေသည်။
ထို့အပြင် စာကြည့်တိုက်ပညာရှင် ဦးမောင်မောင် (စိုးရှိန်) ပြုစု၍ ၂၀၁၁ ဇွန်လတွင် နှစ်ကာများ စာအုပ်တိုက်မှ ပထမအကြိမ်အဖြစ် ထုတ်ဝေ ခဲ့သော `ဗိုလ်ချုပ်အောင်ဆန်းစာစုစာရင်း´ စာအုပ်၊ ဗိုလ်ချုပ်အောင်ဆန်း၏ ဘ၀ဖြစ်စဉ် နေ့စွဲများကဏ္ဍ စာမျက်နှာ (၁၁) ၌
“၁၉၃၉ စက်တင်ဘာလ ၁ ရက်၊ ဒေါက်တာဘမော်အိမ်၌ကျင်းပသောအစည်းအဝေးတွင် ထွက်ရပ်ဂိုဏ်း၏ အတွင်းရေးမှူးအဖြစ် တင် မြှောက်ခြင်းခံရသည်” ဟူ၍ပင် ဖော်ပြထားသည်။
ယင်းအထောက်အထားကိုမကျေနပ်သေးလျှင် ဦးမြင့်ဝေ (တပ်မတော်မြင့်သန္တာ) ပြုစုသည့် `ဗမာ့တော်လှန်ရေးအဘိဓာန်´ (ခရစ် ၁၈၂၄ မှ ၁၉၇၁ ခုနှစ် အထိ) စာအုပ် စာမျက်နှာ ၈၄-၈၅ ၌-
`ဗမာ့ထွက်ရပ်ဂိုဏ်းကို ၁၉၃၉ စက်တင်ဘာလ ၁ သောကြာနေ့တွင် တည်ထောင်ဖွဲ့စည်းခဲ့သည်။ ဗဟိုအလုပ်အမှုဆောင် အဖွဲ့မှာ-
၁။ ဒေါက်တာဘမော် – အဖွဲ့ခေါင်းဆောင်
၂။ သခင်အောင်ဆန်း – အထွေထွေအတွင်းရေးမှူး
၃။ သခင်သန်းထွန်း – အဖွဲ့ဝင်
၎။ သခင်လှဘော် – ။
၅။ သခင်မြ – ။
၆။ သခင်နု – ။
၇။ ဦးလှမင်း – ။
၈။ ဒေါက်တာသိန်းမောင် – ။
၉။ ဗန္ဓုလဦးစိန် – ။
၁၀။ ဦးထွန်းအောင် – ။
၁၁။ စောဖေသာ – ။
၁၂။ ဦးဘဦး (မန္တလေး) တို့ဖြစ်သည်ဟူ၍ အတိအကျရေးသားထားလေသည်။

ဗိုလ်ချုပ်အောင်ဆန်း အတ္ထုပ္ပတ္တိ ရှင်းတမ်း – အပိုင်း(၂)
By သန်းဝင်းလှိုင်

● ရဲဘော်သုံးကျိပ်ဝင်များ သွေးဖောက်ပြီးသစ္စာပြုနေ့အမှား

မြန်မာမျိုးချစ်လူငယ်များ ဟိုင်နန်ကျွန်း စစ်သင်တန်းကျောင်းတွင် တက်ရောက်သင်ကြားနေသော စစ်ပညာများသည် ၁၉၄၁ အောက်တိုဘာ လဆန်းတွင် ပြီးဆုံးပြီးနောက် အောက်တိုဘာလ ၅ ရက်နေ့တွင် စန်းယ စစ်ပညာသင်တန်းကျောင်းကိုပိတ်၍ ထိုင်ဝမ်ကျွန်းရှိ တာမာဆာ တိုမြို့ (Tamasato) သို့ ပြောင်းရွှေ့ခဲ့သည်။ ယင်းနောက် အောက်တိုဘာလ ၂၇ ရက် တနင်္လာနေ့တွင် တာမာဆာတိုမြို့ ဗိုလ်သင်တန်း ကျောင်းတွင် စစ်သေနင်္ဂဗျူဟာပညာနှင့် ဂျပန်နိုင်ငံမှထုတ်လုပ်သည့် နောက်ဆုံးပေါ်လက်နက်များ သုံးစွဲနည်း၊ ပြင်ဆင်နည်းများကို ဆက် လက်သင်ကြားခဲ့ကြသည်။
ယင်းနောက် ဂျပန်တို့သည် ၁၉၄၁ ဒီဇင်ဘာ (၇) ရက်နေ့တွင် ပစိဖိတ်သမုဒ္ဒရာအတွင်း ဟာဝိုင်ယီကျွန်း (Hawaii) ရှိ အမေရိကန်တို့၏ အကြီးဆုံးရေတပ်စခန်းဖြစ်သည့် ပုလဲဆိပ်ကမ်းကို ရုတ်တရက်ဝင်ရောက်တိုက်ခိုက်၍ အရှေ့အာရှစစ်ပွဲကြီးကို စတင်မီးမွှေးလိုက်ရာ၊ မီနာမီအဖွဲ့ခေါင်းဆောင် ဗိုလ်မှူးကြီး ဆူဇူကီး (ဗိုလ်မိုးကြိုး) သည် ထိုင်ဝမ်ကျွန်း တာမဆာတိုမြို့ရှိ ဗိုလ်သင်တန်း၌ ပို့ချနေမှုတို့ကို အမြန်ဆုံး အဆုံးသတ်ခဲ့သည်။ ထို့နောက် မီနာအဖွဲ့ကို တောင်ပိုင်းတပ်မတော်လက်အောက်မှ ဂျပန် အမှတ် ၁၅ တပ်မတော်၏ လက်အောက်သို့ လွှဲပြောင်းခဲ့သည်။ မြန်မာမျိုးချစ်လူငယ်များကိုလည်း အသုတ်လိုက် ထိုင်းနိုင်ငံ ဗန်ကောက်မြို့သို့ စေလွှတ်ခဲ့သည်။ ထို့နေ့ နံနက် ၁၀ နာရီ အချိန်မှာပင် ဂျပန်ဗုံးကြဲလေယာဉ်အစင်း ၆၀ နှင့် တိုက်လေယာဉ်အစင်း ၃၀ ပါသော ဂျပန်လေတပ်က ရန်ကုန်မြို့ကို ပထမဆုံးအကြိမ် ဗုံးကြဲတိုက်ခိုက်ခဲ့ကြသည်။
၁၉၄၁ ခုနှစ် ဒီဇင်ဘာလ ၂၆ ရက် သောကြာနေ့တွင် သခင်အောင်ဆန်း၊ သခင်စောလွင်၊ သခင်တင်အေး၊ သခင်ထွန်းရွှေ၊ ကိုရွှေနှင့် သခင်သန်းတင် (၂) တို့သည် ထိုင်းနိုင်ငံ ဘန်ကောက်မြို့သို့ရောက်ရှိလာပြီး ဘန်ကောက်မြို့ရှိ အင်္ဂလိပ်ပိုင် ဘော်နီယိုကုမ္ပဏီဝင်းအတွင်းရှိ မြန်မာလူမျိုး မျက်စိကုဆရာဝန် ဦးလွန်းဖေနေအိမ်တွင် ည ၁၀ နာရီခန့်၌ သခင်အောင်ဆန်းနှင့် မြန်မာမျိုးချစ်လူငယ်များသည် လက်မောင်း သွေးဖောက်သစ္စာအဓိဋ္ဌာန်ပြု၍ သွေးသောက်ပွဲပြုလုပ်ခဲ့ကြသည်။
သို့သော် ဗိုလ်ချုပ်အောင်ဆန်းအတ္ထုပ္ပတိစာအုပ်အများစု၌ သွေးဖောက်သစ္စာအဓိဋ္ဌာန်ပြုသည့်နေ့ကို ၁၉၄၁ ခုနှစ်၊ ဒီဇင်ဘာလ ၂၇ရက်ဟု မှားယွင်းစွာ ဖော်ပြနေကြသည်။
အဆိုပါကိစ္စနှင့်ပတ်သက်၍ ယနေ့တိုင် သက်ရှိထင်ရှားရှိနေသော ရဲဘော်သုံးကျိပ် (၂) ဦးအနက် တစ်ဦးဖြစ်သူ ဗိုလ်မှူးရဲထွဋ်အား စာရေး သူမှ ၂၀၀၇ ဇူလိုင်လခန့်တွင်မေးမြန်းခဲ့ရာ၊ သွေးဖောက်သည့်နေ့မှာ ၁၉၄၁ ခုနှစ် ခရစ္စမတ် (X.mas) နေ့အပြီး နောက်တစ်နေ့ (ဒီဇင်ဘာလ ၂၆ ရက်) ဖြစ်သည်ဟု အတိအကျပြောကြားခဲ့သည်။ ထို့ပြင် “၁၉၄၁ခုနှစ် ဒီဇင်ဘာလ ၃၁ ရက် ဘန်ကောက်မြို့ရှိ ဗိုလ်ချုပ်အောင်ဆန်း နေထိုင်လျက်ရှိသော ဆသွန်းလမ်းရှိ ဖရန့်ဖီးလ်အဆောက်အအုံတွင် ရဲဘော်သုံးကျိပ်ဝင်အားလုံး တစ်ဦးကိုတစ်ဦး အသက်ပေးစောင့် ရှောက်၍ တိုင်းပြည်အတွက် အသက်စွန့်လှူပါမည်ဟု သစ္စာအဓိဌာန်ပြုကာ ဒုတိယအကြိမ်သွေးသောက်ပွဲကျင်းပသည်” ဟူ၍ ဆရာ ကျော်ငြိမ်း၏ ရဲဘော်သုံးကျိပ်စာအုပ် စာမျက်နှာ ၁၄ ရေးသားချက်ကိုလည်း မှားယွင်းသည်ဟုဆိုသည်။ ရဲဘော်သုံးကျိပ်ဝင်များသည် တစ်ကြိမ်တည်းသာ သွေးဖောက်၍ သစ္စာအဓိဌာန်ပြုခဲ့သည်ဟုဆိုသည်။
အမေရိကန်ပြည်ထောင်စုအခြေစိုက် ဓူဝံစာပေတိုက်မှ ၂၀၀၇ ခုနှစ် ထုတ်ဝေပြီး၊ တရုတ်နိုင်ငံ၌ နေထိုင်လျက်ရှိသော ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇော၏ `ကိုယ်တိုင်ရေးအတ္ထုပ္ပတိပေါင်းချုပ်´ (ဆိုင်းစုမှသည် မန်ဟိုင်းဆီသို့) စာမျက်နှာ ၄၇၊ ၄၈ ၌ `၁၉၄၁ ဒီဇင်ဘာလ ၂၆ ရက်နေ့သည် နယ်ချဲ့အောက်တွင် မြန်မာအမျိုးသားတို့၏ ပထမလက်နက်ကိုင်တပ်မတော်ကြီး (B.I.A) ကို စတင်ဖွဲ့စည်း သော နေ့ကြီးဖြစ်သည်။ ကျွန်တော်တို့သည် ဗမာ့လွတ်လပ်ရေးအတွက်တိုက်ပွဲဝင်ရန် လက်မောင်းသွေဖောက်၍ သစ္စာရေသောက်ခဲ့ကြသည်။ ကျွန်တော်တို့သည် လွတ်လပ်ရေးရသည်အထိ ဆုံးခန်းတိုင်တိုက်ပွဲဝင်မည်ဟု သစ္စာအဓိဌာန်ပြုခဲ့ကြသည်။
အထက်ပါ ဘီအိုင်အေတပ်မတော်ဖွဲ့စည်းခြင်းနှင့် ကျမ်းသစ္စာခံယူပွဲနေ့ကို ထိုစဉ်က ကျွန်တော်တို့ဆရာတစ်ယောက် `အီဇုမိယ´ရေးသော မီနာမီကီကန်စာအုပ် မြန်မာပြန်စာမျက်နှာ ၉၅ နှင့် ၁၀၄ တွင် (၂၈-၁၂-၄၁) ဟု ဖော်ပြထားသည်။ တပ်မတော်သမိုင်းမှတ်တမ်း (၁) နိဒါန်း တွင် (၂၇-၁၂-၄၁) ဟုဆိုသည်။ ကျွန်တော်တို့ စွဲမှတ်နေသည့်နေ့သည် (၂၆-၁၂-၄၁) သာ ဖြစ်သည်´ ဟူ၍ ရေးသားဖော်ပြထားလေသည်။

● ဘီအိုင်အေတည်ထောင်သည့်နေ့အမှား

ဗိုလ်ချုပ်အောင်ဆန်းအတ္ထုပ္ပတ္တိစာအုပ်အများစု၌ အများဆုံးမှားယွင်းသော အမှားတစ်ခုမှာ ၁၉၄၁ ဒီဇင်ဘာလ ၂၆ တွင် ယိုးဒယား (ထိုင်း) နိုင်ငံ ဘန်ကောက်မြို့၌ ရဲဘော်သုံးကျိပ်နှင့်အတူ ဗမာ့လွတ်လပ်ရေးတပ်မတော်ကို ဖွဲ့စည်းတည်ထောင်ခဲ့သည်ဟု ဖော်ပြမှုပင်ဖြစ်သည်။
ဦးမြဟန်ပြုစု၍ အားမာန်သစ်စာပေတိုက်မှ ၂၀၁၀ ပြည့်နှစ် ဒီဇင်ဘာလတွင်ထုတ်ဝေခဲ့သော ကိုလိုနီခေတ် မြန်မာ့သမိုင်းအဘိဓာန်စာအုပ် စာ ၂၉၉၌ “ဘီအိုင်အေကို ဗိုလ်ချုပ်အောင်ဆန်းဦးဆောင်သော ရဲဘော်သုံးကျိပ်တို့ကဦးစီး၍ ယိုးဒယားနိုင်ငံ ဘန်ကောက်မြို့၌ စဖွဲ့သည်။ ၁၉၄၁ခုနှစ် ဒီဇင်ဘာလ ၂၆ ရက်နေ့မှ ၃၁ ရက်အတွင်း ဘီအိုင်အေကို အပြီးဖွဲ့စည်းခဲ့သည်” ဟူ၍ ဖော်ပြထားသလို ပြည်သူ့ခေတ်ဂျာနယ် အတွဲ ၁၊ အမှတ် ၁၂ (၂၀၁၀ စက်တင်ဘာ ၂၃) စာမျက်နှာ ၁၇ တွင် ဖိုးအောင်လေး၏ “အောင်ဆန်းဒိုင်ယာရီ” ဆောင်းပါး ၌ “၁၉၄၁ ဒီဇင် ဘာ ၃၁ တွင် ဘန်ကောက်မြို့၌ ဘီအိုင်အေခေါ် ဗမာ့လွတ်လပ်ရေးတပ်မတော်ဖွဲ့စည်းကြောင်း ကြေညာ” ဟူ၍ ဖော်ပြထားသည်။
သို့သော် ရဲဘော်သုံးကျိပ်ဝင် ဗိုလ်မင်းခေါင်ရေးသားပြုစုသော `ဗိုလ်ချုပ်အောင်ဆန်းနှင့်ရဲဘော်သုံးကျိပ်´ စာအုပ် စာမျက်နှာ ၁၉၂ နှင့် ယဉ် ကျေးမှုဝန်ကြီးဌာန သမိုင်းသုတေသနဦးစီးဌာနမှထုတ်ဝေသော မြန်မာ့ရက်စဉ်သမိုင်း (အကြိုသမိုင်းကာလမှ ၁၉၄၅ အထိ) ပထမတွဲ စာမျက်နှာ ၃၁၂ ၌ – `ထိုင်းနိုင်ငံဘန်ကောက်မြို့တွင် ဗမာ့လွတ်လပ်ရေးတပ်မတော် (Burma Independence Army) ကို ၁၉၄၁ ဒီဇင်ဘာ ၂၇ တွင် ဖွဲ့စည်းခဲ့သည်´ ဟူ၍ အတိအကျဖော်ပြထားသည်။
ယနေ့တိုင် သက်ရှိထင်ရှားရှိနေသော ရဲဘော်သုံးကျိပ်ဝင် ဗိုလ်မှူးရဲထွဋ်ကလည်း သွေးဖောက်သစ္စာအဓိဌာန်ပြုပြီး နောက်တနေ့ (၁၉၄၁ ဒီဇင်ဘာလ ၂၇ရက်) တွင် ဗမာ့လွတ်လပ်ရေးတပ်မတော်ကို ဖွဲ့စည်းခဲ့သည်ဟုပြောပြပါသည်။
ထို့ကြောင့် ဗမာ့လွတ်လပ်ရေးတပ်မတော် (ဘီအိုင်အေ) တည်ထောင်သောနေ့ကို ၁၉၄၁ ခုနှစ် ဒီဇင်ဘာလ ၂၇ ရက်ဟုသာ အမှန်ယူရမည် ဖြစ်သည်။

● ရဲဘော်သုံးကျိပ်များ၏ ကိုယ်ရေးအချက်အလက်များ မှားယွင်းမှု

၁၉၄၁ ခုနှစ် ဒီဇင်ဘာလ ၂၇ ရက်နေ့တွင် ထိုင်းနိုင်ငံ ဘန်ကောက်မြို့ရှိ ဦးလွန်းဖေ နေအိမ်တွင် ဗမာ့လွတ်လပ်ရေးတပ်မတော် (ဘီအိုင်အေ)ကို ဖွဲ့စည်းပြီးနောက် သခင်အောင်ဆန်းက ရဲဘော်သုံးကျိပ်ဝင်တို့အား စုဝေးပြီး ယနေ့အစည်းအဝေးတွင် အစည်းအဝေးတက်ရောက်လာ သူများနှင့် မိတ်ဆက်သည့်အခါ မိမိတို့ဝတ်ထားသည်မှာ ဂျပန်ဝတ်စုံ၊ အမည်ကလည်း ဂျပန်နာမည်ဖြစ်နေ၍ မိတ်ဆက်ရာတွင် အဆင်မပြေ လှကြောင်း မိမိတို့၏ နာမည်ရင်းများနှင့်မိတ်ဆက်လျှင် မြန်မာနိုင်ငံတွင်ကျန်ရစ်ခဲ့သည့် မိဘဆွေမျိုးသားချင်းများဒုက္ခရောက်နိုင်ကြောင်း ဟိုင်နန်ကျွန်းတွင်ရှိစဉ်က ကိုလှမောင် (နောင်ဗိုလ်ဇေယျ) အကြံပေးသည့်အတိုင်း ဗမာဆန်ဆန် ဗိုလ်နာမည်များပေးရမည်ဖြစ်ကြောင်း ပြောကြားခဲ့သည်။ ထို့နောက် သခင်အောင်ဆန်း၏ လမ်းညွှန်ချက်အရ ရဲဘော်သုံးကျိပ်တို့၏ ဗိုလ်ဘွဲ့အမည်အသီးသီးကို ဘော်နီယိုကုမ္ပဏီ ၀င်းအတွင်း အမိန့်ကြေညာချက်ထုတ်ပြန်ခဲ့သည်။ ဤသို့ဖြင့် မြန်မာမျိုးချစ်လူငယ်များ၏ ဗိုလ်အမည်များတွင်လာခဲ့သည်။

ရဲဘော်သုံးကျိပ် တို့၏ အမည်ရင်း၊ ဂျပန်အမည်နှင့် ဗိုလ်အမည်များမှာ-

စဉ် အမည် ဂျပန်အမည် ဗိုလ်ဘွဲ့အမည်

၁။ သခင်အောင်ဆန်း Omoda Monji ဗိုလ်တေဇ
၂။ သခင်ရှုမောင် Takasugi Susumu ဗိုလ်နေ၀င်း
၃။ သခင်ကျော်စိန် Takahashi ဗိုလ်မိုးညို
၎။ သခင်ခင်မောင်ဦး Monya Masaru ဗိုလ်တာရာ
၅။ သခင်ငွေ Katsura ဗိုလ်စောအောင်
၆။ သခင်စောလွင် Yamaoka Kiyoshi ဗိုလ်မင်းခေါင်
၇။ သခင်စံမြ Nakagawa Ichiro ဗိုလ်တောက်ထိန်
၈။ သခင်စံလှိုင် Omura Tadashi ဗိုလ်အောင်
၉။ သခင်စိုး Kono ဗိုလ်မြင့်အောင်
၁၀။ ကိုဆောင်း Monya Hiroshi ဗိုလ်ထိန်ဝင်း
၁၁။ သခင်တင်အေး Chinda Seiyi ဗိုလ်ဘုန်းမြင့်
၁၂။ သခင်ထွန်းခင် Nakamura Hitoshi ဗိုလ်မြင့်ဆွေ
၁၃။ ကိုထွန်းရှိန် Yamashita Teruo ဗိုလ်ရန်နိုင်
၁၄။ သခင်ထွန်းရွှေ Utsumi Susumu ဗိုလ်လင်းယုန်
၁၅။ သခင်ထွန်းလွင် Otani Hiroshi ဗိုလ်ဗလ
၁၆။ သခင်ထွန်းအုပ် Ichihara Ishiro ဗိုလ်ဘွဲ့မခံ
၁၇။ သခင်ဗဂျမ်း Baba Takeshi ဗိုလ်လရောင်
၁၈။ သခင်မောင်မောင် Tsuchiya ဗိုလ်ဉာဏ
၁၉။ ကိုရွှေ Taniguchi Shinichi ဗိုလ်ကျော်ဇော
၂၀။ သခင်လှ Ito Hitochi ဗိုလ်မင်းရောင်
၂၁။ သခင်လှဖေ Tani Kiyoshi ဗိုလ်လင်္ကျာ
၂၂။ ကိုလှမောင် Kaga Masashi ဗိုလ်ဇေယျ
၂၃။ သခင်လှမြိုင် Itoda Tei-ichi ဗိုလ်ရန်အောင်
၂၄။ သခင်သစ် Osawa ဗိုလ်စောနောင်
၂၅။ သခင်သန်းညွန့် Okawa ဗိုလ်ဇင်ယော်
၂၆။ သခင်သန်းတင် (၁) Yamada ဗိုလ်ဘွဲ့မခံယူမီ အူအတက်ရောဂါဖြင့် (မော်လမြိုင်) တိုင်ပေဆေးရုံ (စက်တင်ဘာလ၊ ၄၁) ၌ ကွယ် လွန်
၂၇။ သခင်သန်းတင်(၂) Tsubota ဗိုလ်မြဒင် (သာယာဝတီ)
၂၈။ သခင်အောင်သန်း Hirata Masao ဗိုလ်စကြာ
၂၉။ သခင်အေးမောင် Mizuno Saburo ဗိုလ်မိုး
၃၀။ ကိုအောင်သိန်း Hayashi ဗိုလ်ရဲထွဋ်တို့ ဖြစ်ကြသည်။

သို့သော် မြန်မာမျိုးချစ်လူငယ်သုံးဆယ်အနက် သခင်ထွန်းအုပ်သည် ဂျပန်နိုင်ငံတိုကျိုမြို့တွင် အုပ်ချုပ်ရေးပညာဆည်းပူးနေ၍ လည်း ကောင်း၊ ကိုဆောင်းသည် မီနာမီအဖွဲ့၏ တာဝန်ပေးချက်အရ ထိုင်းမြန်မာနယ်စပ်ကို လျှို့ဝှက်စွာ ဖြတ်ကျော်ရောက်ရှိလာမည့် မြန်မာမျိုးချစ် လူငယ်များကိုစောင့်ကြိုရန်တာဝန်ဖြင့် ဇင်းမယ် ခေါ် ချင်းမိုင် (Chiangmail) တွင် တာဝန်ထမ်းဆောင်နေ၍ လည်းကောင်း၊ မော်လမြိုင် သားသခင်သန်းတင် (၁) သည် ထိုင်းနိုင်ငံ ဘန်ကောက်မြို့မှ ဂျပန်နိုင်ငံသို့ သွားရောက်စဉ် တိုင်ပေမြို့၌ အူအတက်ပေါက်ရောဂါဖြင့် ၁၉၄၁ စက်တင်ဘာလတွင် ကွယ်လွန်ခဲ့၍လည်းကောင်း ဟိုင်နန်စစ်သင်တန်းကျောင်းနှင့် ထိုင်ဝမ်စစ်သင်တန်းကျောင်းတွင် မြန်မာလူငယ် (၂၇) ဦးသာ စစ်သင်တန်းကျောင်းတက်ခဲ့ကြသည်။ သို့သော် စာရေးဆရာ မြဒေါင်းညိုအမည်ပေးခဲ့သည့်အတိုင်း မြန်မာမျိုးချစ်လူငယ် သုံးဆယ် ကို `ရဲဘော်သုံးကျိပ်´ ဟူ၍သာ ခေါ်တွင်ခဲ့ကြသည်။
သို့သော် ဗိုလ်ချုပ်အောင်ဆန်းအတ္ထုပ္ပတ္တိစာအုပ်များ၌ ကိုအောင်သိန်းကို သခင်အောင်သိန်းဟူ၍လည်းကောင်း၊ သခင်သန်းတင်(၁)ကို ဗိုလ်သန်းတင်ဟူ၍ လည်းကောင်း မှားယွင်းစွာမှည့်ခေါ်ခဲ့ကြသည်။ ကိုအောင်သိန်း ခေါ် ဗိုလ်ရဲထွဋ်သည် တို့ဗမာအစည်းအရုံးသို့ မည်သည့် အခါမှ မ၀င်ခဲ့ချေ။ ထို့ကြောင့် သခင်အောင်သိန်းဟုခေါ်တွင်ပါက မှားယွင်းပေသည်။ ကိုအောင်သိန်းသည် ၁၉၂၂ခုနှစ် ဖေဖော် ၀ါရီ ၂၅ရက် ရန်ကုန်မြို့ တာမွေကလေးရပ်၌ အဘ ဦးဘိုးလွင်၊ အမိဒေါ်စောရှင်တို့မှ ဖွားမြင်ခဲ့သူဖြစ်ပြီး ရန်ကုန်မြို့ ကန်တော်မြူနီ စပယ်ကျောင်းမှ ဒဿမတန်းအောင်မြင်ခဲ့သည်။ ထို့နောက် အထက်တန်းဆရာဖြစ်သင်တန်းတက်ရောက်အောင်မြင်ခဲ့ပြီး ၁၉၃၆ – ၃၇ တွင် ဦးမောင်ကြီး (နောင်ဆာဘွဲ့ရ) ရဲတပ်တွင်ပါဝင်ခဲ့သည်။ ၁၉၃၈ ကျောင်းသားသပိတ်တွင် မြူနီစပယ်ကျောင်းမှ သပိတ်မှောက်ခေါင်းဆောင်အဖြစ် ဆောင်ရွက်ခဲ့သည်။ ၁၉၃၉-၄၀ တွင် မြူနီစပယ်ကျောင်း ကျောင်းသားများသမဂ္ဂဥက္ကဌအဖြစ် ဆောင်ရွက်၍ ဂျပန်နိုင်ငံသို့ စစ်ပညာသင်ကြား ရန် စေလွှတ်သည်။ ဒုတိယအသုတ် မြန်မာမျိုးချစ်လူငယ်များနှင့်အတူ ၁၉၄၁ ဧပြီ ၁၃ ရက်နေ့တွင် ကိုင်ရိုမာရူးသင်္ဘောဖြင့် ဂျပန်နိုင်ငံသို့ ထွက်ခဲ့သူဖြစ်သည်။
၁၉၄၁ ဒီဇင်ဘာ ၂၆ ထိုင်းနိုင်ငံ ဘန်ကောက်မြို့တွင် လက်မောင်းသွေးဖောက်၍ သစ္စာအဓိဋ္ဌာန်ရာတွင်ပါဝင်ခဲ့သည်။
၁၉၄၂ ဧပြီတွင် ဘီအိုင်အေ တပ်မဟာ ဒုတပ်မှူးအဖြစ်လည်းကောင်း၊ ၁၉၄၂ ဇူလိုင်လ ၂၇ ရက်တွင် ဘီဒီအေတပ်ရင်း ၁ တပ်ရင်မှူးအဖြစ် လည်းကောင်း၊ ၁၉၄၄-၄၅ ဘီဒီအေ တပ်ရင်း ၅ တပ်ရင်းမှူးအဖြစ်လည်းကောင်း၊ စစ်ဦးစီးဌာနချုပ် အထွေထွေဌာနကြီးမှူးအဖြစ်လည်း ကောင်း တာဝန်ထမ်းရွက်ခဲ့သည်။
ဖက်ဆစ်တော်လှန်ရေးကာလတွင် တိုင်း ၆ (မိတ္ထီလာ၊ ပျဉ်းမနား၊ တောင်ငူနှင့် တောင်ပိုင်းရှမ်းပြည်နယ်) တိုင်းမှူးအဖြစ် တာဝန်ယူ၍ ဖက် ဆစ်ဂျပန်တို့ကို တော်လှန်တိုက်ခိုက်ခဲ့သည်။
ထို့နောက် လွတ်လပ်ရေးရပြီးနောက် အမှတ် (၃) ဗမာ့သေနတ်ကိုင်တပ်ရင်းတွင် တပ်ခွဲမှူးနှင့် တပ်ရင်းမှူးအဖြစ် တာဝန်ထမ်းရွက်ခဲ့သည်။ ဗိုလ်ရဲထွဋ်သည် လက်ဝဲညီညွတ်ရေးကောင်စီ၏ အာဏာသိမ်းရေးလမ်းစဉ်ကို လက်ခံကာ ၁၉၄၈ သြဂုတ် ၁၀ တွင် ဗမာ့တပ်မတော်တပ်ရင်း ၃ ကိုဦးဆောင်၍ တောခိုခဲ့သည်။ ၁၉၄၉ မတ် ၂၄ တွင် ပြည်မြို့၌ ဗမာပြည်ကွန်မြူနစ်ပါတီ၊ ပြည်သူ့ရဲဘော် (ဖြူ) နှင့် တော်လှန်သော ဗမာ့ တပ်မတော်တို့ပူးပေါင်း၍ ပြည်သူ့ဒီမိုကရေစီတပ်ပေါင်းစုဖွဲ့စည်းရာတွင် ပါဝင်ခဲ့သည်။
၁၉၅၀ မတ်တွင် ပြည်သူ့ဒီမိုကရေစီတပ်ပေါင်းစု ပြိုကွဲသွားပြီးနောက် တော်လှန်သောဗမာ့တပ်မတော်ကိုဖျက်သိမ်းလိုက်ပြီး တောခိုတပ် များနှင့် ဗမာပြည်ကွန်မြူနစ်ပါတီ၏ လက်နက်ကိုင်တပ်များ ပူးပေါင်းခဲ့သည်။ ၁၉၅၁ – ၆၃ တွင် ဗမာပြည်ကွန်မြူနစ်ပါတီ ပြည်သူ့တော်လှန်ရေးစစ်ကောင်စီတွင် အတွင်းရေးမှူးအဖြစ်လည်းကောင်း၊ ဗကပ ပြည်သူ့ တပ်မတော်စစ်ဦးစီးမှူးအဖြစ်လည်းကောင်း၊ အမျိုးသားဒီမိုကရေ စီညီညွတ်ရေးတပ်ပေါင်းစု (မဒညတ) တွင် ဗကပကိုယ်စားလှယ်အဖြစ်လည်းကောင်း၊ ဗကပ အရံဗဟိုကော်မတီဝင်အဖြစ်လည်းကောင်း ဆောင်ရွက်ခဲ့သည်။
၁၉၆၃ မေ ၂၁တွင် တော်လှန်ရေးကောင်စီအစိုးရထံ၌ လက်နက်ချအလင်းဝင်ရောက်ခဲ့သည်။
ထို့နောက် ၁၉၆၄ မတ် ၂ မှ ၁၉၇၃အထိ တော်လှန်ရေးကောင်စီ၏ အကြံပေးအဖွဲ့ဝင်အဖြစ်လည်းကောင်း၊ ဗဟိုရေးရာဌာနကြီး၏ အတွင်း ရေးမှူးအဖြစ်လည်းကောင်း၊ သမ၀ါယမ စိုက်ပျိုးမွေးမြူရေးနှင့် သစ်တောရေးရာကော်မတီ အတွင်းရေးမှူးအဖြစ်လည်းကောင်း ထမ်းရွက်ခဲ့ သည်။ ၁၉၇၃-၇၄ မဆလပါတီ သန့်စင်ရေးလုပ်ရာတွင်ပါသွားခဲ့ပြီး ပါတီပြင်ပသို့ ရောက်ရှိသွားခဲ့သည်။
၂၀၀၅ ခုနှစ်တွင် ဗိုလ်ချုပ်အောင်ဆန်းအတ္ထုပ္ပတ္တိဖြစ်ရပ်မှန် ပြုစုရေးကော်မတီ၏ နာယကအဖြစ် ယနေ့တိုင်ဆောင်ရွက်လျက်ရှိသည်။
သခင်သန်းတင် (၁) သည် ၁၉၂၀ သြဂုတ် ၂၇တွင် မွန်ပြည်နယ် မော်လမြိုင်မြို့နယ် ညောင်ပင်ဆိပ်ရွာ၌ အဖ ဦးမောင်နှင့် အမိဒေါ်စိုးတို့မှ ဖွားမြင်ခဲ့ပြီး မြ၀တီကျောင်းတွင် စတုတ္ထတန်းအထိသာ ပညာသင်ကြားခဲ့သည်။ ထို့နောက် ရန်ကုန်မြို့ ဗိုလ်တထောင်စက်ရုံနှင့် ပန်းတ နော်မြို့နယ် ၀ဲဒေါင့်ရွာဆန်စက်၊ ရန်ကုန်မြို့ ကမာရွတ်ပန်းထိမ်အလုပ်ရုံတွင် အလုပ်လုပ်ခဲ့သည်။ ၁၉၄၀တွင် ကမာရွတ်မြို့နယ်တို့ဗမာအစည်းအရုံးသို့ ၀င်ရောက်ခဲ့ရာမှ သခင်သန်းတင် ဖြစ်လာသည်။ ဂျပန်နိုင်ငံသို့ စစ်ပညာသင်သွားရန် သခင်ထွန်းအုပ်၊ သခင်ဗစိန် တို့ဗမာအစည်း အရုံးမှ သခင်သန်းတင်အား ရွေးချယ်ခဲ့သော်လည်း မိဘနှစ်ပါးက သဘောမတူ၍ မလိုက်ခဲ့ရပေ။ နောက်ဆုံး အစာငတ်ခံဆန္ဒပြမှ ခွင့်ပြုချက် ရရှိခဲ့သည်။
သို့သော် ဂျပန်နိုင်ငံသို့ ၁၉၄၁ ဇူလိုင်လ ၈ တွင် ဂျပန်သို့ စတုတ္ထအသုတ် ရဲဘော်များထွက်သွားပြီဖြစ်၍ မလိုက်ဖြစ်ခဲ့တော့ချေ။ ထိုသို့ မမီ တော့သော်လည်း သခင်ထွန်းအုပ်က ထိုင်းနိုင်ငံသို့ အရောက်လာရန်မှာကြားခဲ့သည့်အတွက် မော်လမြိုင်မှတဆင့် ထိုင်းနိုင်ငံ မြန်မာနယ်စပ် မဲဆောက်မြို့သို့ တောတောင်အထပ်ထပ်ကိုဖြတ်၍ ခြေလျင်သွားခဲ့သည်။ မဲဆောက်မြို့ရှိ ဂျပန်သံအမတ်က သခင်သန်းတင် ဂျပန် အ၀တ် အစားများလဲလှယ်ဝတ်ဆင်ပြီး လေယာဉ်ဖြင့် ဘန်ကောက်မြို့သို့သွားရောက်ရန် စီစဉ်ပေးခဲ့သည်။ သခင်သန်းတင်သည် စစ်ပညာ သင် ကြားရန် ၁၉၄၁ သြဂုတ် ၁၅ တွင် ဗိုလ်ထိန်ဝင်း (ကိုဆောင်း) နှင့်အတူ ဒေလီမာရူးသဘောင်္ဖြင့် ဂျပန်နိုင်ငံသို့ထွက်ခွာခဲ့ရာ လမ်းခရီးတွင် အဖျားရောဂါဖြစ်ပွားခဲ့ရာ ထိုင်ဝမ်ကျွန်းသို့ ရောက်သောအခါ ဂျပန်စစ်ဖက်အရာရှိများလို တိုင်ပေစစ်ဆေးရုံသို့ ပို့ပေးခဲ့သည်။ သို့သော် ဆေးရုံတွင် အူအတက်ပေါက်မှုကို ခွဲစိတ်ကုသမှုခံယူနေစဉ်အတွင်း ၁၉၄၁ စက်တင်ဘာလတွင် ကွယ်လွန်သွားခဲ့လေသည်။ သခင်သန်းတင် (၁) သည် စစ်ပညာမသင်ကြားခဲ့ရသလို၊ ဗိုလ်ဘွဲ့မခံယူမီ ကွယ်လွန်ခဲ့သဖြင့် ဗိုလ်ဘွဲ့မရခဲ့ပေ။ ထို့ကြောင့် သခင်သန်းတင် (၁) အား ဗိုလ် သန်းတင်ဟုသုံးနှုန်းပါက မှားယွင်းပါသည်။ သခင်သန်းတင် (၁) သည် လွတ်လပ်ရေးကြိုးပမ်းမှုဆောင်ရွက်နေစဉ် ပထမဆုံးကွယ် လွန် သွားသော ရဲဘော်သုံးကျိပ်ဝင် ဖစ်သည့်အတွက် ၁၉၅၉ မတ်လ ၂၇ (တပ်မတော်နေ့) တွင် လွတ်လပ်ရေးမော်ကွန်းဝင် (တတိယအဆင့်) တံဆိပ်ချီးမြှင့်ခံခဲ့ရသည်။

ဗိုလ်ချုပ်အောင်ဆန်း အတ္ထုပ္ပတ္တိ ရှင်းတမ်း – အပိုင်း (၃)
By သန်းဝင်းလှိုင်

● ဘီဒီအေ ဖွဲ့စည်းသည့်နေ့စွဲအမှား

ဘီဒီအေဆိုသည်မှာ ဗမာ့ကာကွယ်ရေးတပ်မတော်ကို ခေါ်ဝေါ်ခြင်းဖြစ်သည်။ ဗမာ့ကာကွယ်ရေးတပ်မတော်ကို အင်္ဂလိပ်ဘာသာဖြင့် Burma Defence Army ဟု ခေါ်သောကြောင့် အတိုကောက်အားဖြင့် B.D.A (ဘီဒီအေ) ဟု ခေါ်နေကြခြင်းဖြစ်သည်။ ဒုတိယကမ္ဘာစစ်အတွင်းက ဂျပန်တပ်မတော်နှင့်ဘီအိုင်အေတို့က မြန်မာနိုင်ငံကိုသိမ်းမိပြီးသောအခါ မြန်မာနိုင်ငံတွင် အင်္ဂလိပ်တပ်များထွက်ခွာသွားပြီးဖြစ်၍ အင်္ဂလိပ်တပ်များပြန်ဝင်မလာနိုင်စေရန် ကာကွယ်ရန်သာလိုသည့်အတွက် ဗမာ့လွတ်လပ်ရေးတပ်မတော် (ဘီအိုင်အေ) ကို ဗမာ့ကာကွယ်ရေး တပ် မတော် (ဘီဒီအေ) ဟု ပြင်ဆင်ဖွဲ့စည်းခဲ့ခြင်းဖြစ်သည်။ စတင်ဖွဲ့စည်းသည့်ရက်စွဲမှာ ၁၉၄၂ ခုနှစ်၊ ဇူလိုင် ၂၇ရက် ဖြစ်သည်။
မြဒေါင်းညိုကလောင်အမည်ခံ ဒေါက်တာအောင်သိန်းပြုစုသည့် `ရဲဘော်သုံးကျိပ်´ ပထမတွဲစာအုပ် စာမျက်နှာ ၂၇ တွင် ယင်းအတိုင်းပင် ဖော်ပြထားသည်။
ဗိုလ်မှူးဘသောင်း (မောင်သုတ) ပြုစုသည့် `ဗမာ့တော်လှန်ရေးသမိုင်း´ စာအုပ် စာမျက်နှာ ၁၇၈ ၌လည်း “၁၉၄၂ခုနှစ် ဇူလိုင် ၂၇ ရက်နေ့တွင် ဘီအိုင်အေကိုဖျက်သိမ်းလိုက်ကာ ဘီအိုင်အေတပ်သားပေါင်း ၃၀၀၀ လောက်နှင့်သာ ဘီဒီအေခေါ် `ဗမာ့ကာကွယ်ရေး တပ်မတော်´ကြီးကို ပြန်၍ဖွဲ့စည်းလိုက်ကြသည်။ ထိုဘီဒီအေနှင့်အတူလည်း ပျဉ်းမနားမှ ခြေလျင်တပ်ရင်း ၁၊ ခြေလျင်တပ်ရင်း ၂ နှင့် ခြေ လျင်တပ်ရင်း ၃ တို့အပြင် ရန်ကုန်မှ စစ်ဦးစီးဌာနချုပ်၊ စစ်ရုံးနှင့် မင်္ဂလာဒုံမှ စစ်တက္ကသိုလ်တို့ ပေါက်ဖွားလာကြသည်။” ဟူ၍ ရေးသား ထားလေသည်။ ဗိုလ်မှူးကြီး (ဟောင်း) ဘသန်း ရေးသားပြုစုသည့် Roots of the Revolution စာအုပ် စာမျက်နှာ ၃၆ တွင် ယင်းအတိုင်းပင် အတိအကျဖော်ပြထားသည်။
တပ်မတော်မော်ကွန်းတိုက်ရှိ စာအုပ်စာတမ်း အစရှိသည်များကို ကာလအပိုင်းအခြားအလိုက် စာရင်းတင်ထားရာ၌လည်း
(က) ဘီအိုင်အေ (၁၉၄၁ ဒီဇင်ဘာ ၁၁ မှ ၁၉၄၂ ဇူလိုင်လ ၂၆)
(ခ) ဘီဒီအေ (၁၉၄၂ ဇူလိုင်လ ၂၇ မှ ၁၉၄၃ ဇူလိုင် ၃၁ အထိ)
(ဂ) ဗမာ့တပ်မတော် (၁၉၄၃ သြဂုတ် ၁ မှ ၁၉၄၅ မတ် ၂၆ အထိ)
(ဃ) ဖက်ဆစ်တော်လှန်ရေး (၁၉၄၅ မတ် ၂၇ မှ သြဂုတ် ၁၄ အထိ)
ယဉ်ကျေးမှုဝန်ကြီးဌာန၊ သမိုင်းသုတေသနဦးစီးဌာနမှ ပြုစုခဲ့သော မြန်မာ့ရက်စဉ်သမိုင်း (ပထမတွဲ) စာ ၃၄၁ ၌လည်း “ဗမာ့လွတ်လပ်ရေး တပ်မတော်ကို ၁၉၄၂ ဇူလိုင်လ ၂၇ တွင် ဗမာ့ကာကွယ်ရေးတပ်မတော်ဟု ပြောင်းလဲဖွဲ့စည်းပြီး ဗိုလ်မှူးကိုခန့်အပ်သည့် အမိန့်ထုတ်ပြန် သည်။ အဆိုပါတပ်မတော်သစ်ကို ဂျပန်စစ်ဗိုလ်ချုပ်ကြီး လက်အောက်တွင်ထားရှိသည်´ ဟူ၍ ဖော်ပြထားသလို ၁၉၄၂ ဇူလိုင်လ ၃၁ ရက် နေ့ထုတ် မြန်မာ့အလင်းသတင်းစာ၌လည်း ယင်းအတိုင်းပင်ဖော်ပြထားပါသည်။
သို့သော် ၂၀၁၀ ပြည့်နှစ် စက်တင်ဘာလ ၂၃ ရက်ထုတ် ပြည်သူ့ခေတ်ဂျာနယ် (အတွဲ ၁၊ အမှတ် ၁၂) ၌ ဖိုးအောင်လေး၏ `အောင်ဆန်း ဒိုင်ယာရီ´ ဆောင်းပါး၌ `၁၉၄၂ ဇူလိုင် ၂၉ တွင် ဘီအိုင်အေခေါ် ဗမာ့လွတ်လပ်ရေးတပ်မတော်ကို ဘီဒီအေ ခေါ် ဗမာ့ကာကွယ်ရေးတပ်မတော် အဖြစ် ပြောင်းလဲဖွဲ့စည်းရာတွင် ဗမာ့ကာကွယ်ရေးတပ်မတော်၏ စစ်သေနာပတိအဖြစ် ခန့်အပ်ခံရသည်” ဟူ၍ ဖော်ပြထားသည်။ ထို့အပြင် မစ္စတာအိုးတတက်ဆူနေဇိုရေးသား၍ မစ္စတာအိုးနိုးတိုးရုမြန်မာပြန်ထားသော `ဂျပန်စစ်အုပ်ချုပ်ရေးခေတ် မြန်မာနိုင်ငံ´ စာအုပ် စာ မျက်နှာ ၃၄၇ ၌ `ဘီအိုင်အေတပ်ဖွဲ့ကို ၁၉၄၂ ခု၊ ဇူလိုင်လ ၃၁ ရက်နေ့၌ ဗမာ့ကာကွယ်ရေးတပ်မတော် (ဘီဒီအေ) အဖြစ် ပြန်လည်ပြုပြင်ဖွဲ့ စည်းခဲ့သည်´ ဟူ၍ ဖော်ပြထားပါသည်။
လွတ်လပ်ရေးမော်ကွန်းဝင်အဖြစ် ချီးမြှင့်ရန် လျှောက်လွှာပုံစံ (က) စာမျက်နှာ ၃ တွင် ဘီအိုင်အေကာလကို ၁၉၄၂ ဇန်န၀ါရီ ၈ မှ ၁၉၄၂ ဇူ လိုင် ၂၆ အထိလည်းကောင်း၊ ဘီဒီအေကာလကို ၁၉၄၂ ဇူလိုင် ၂၇ မှ ၁၉၄၅ မတ် ၂၆ အထိ လည်းကောင်း၊ ပီဘီအက်ဖ်ကာလကို ၁၉၄၅ မတ် ၂၇ မှ ၁၉၄၅ သြဂုတ် ၁၅ အထိလည်းကောင်း၊ သတ်မှတ်ထားသည်ကို တွေ့ရှိနိုင်ပါသည်။
၎င်းအပြင် ဗမာ့လွတ်လပ်ရေးတပ်မတော်ကို ဗမာ့ကာကွယ်ရေးတပ်မတော်အဖြစ် ပြန်လည်ဖွဲ့စည်းစဉ်က တပ်ရင်း ၁၊ ၂၊ ၃ ကို ၁၉၄၂ ဇူလိုင် ၂၇ နေ့တွင်လည်းကောင်း၊ တပ်ရင်း ၅ကို ၁၉၄၃ မတ် ၁၆တွင်လည်းကောင်း၊ တပ်ရင်း – ၆ ကို ၁၉၄၃ ဧပြီ ၁တွင် လည်းကောင်း ဖွဲ့စည်းခဲ့သည်ကို လွတ်လပ်ရေးမော်ကွန်းဝင် လျှောက်လွှာများစိစစ်ရေး နိဿရည်းစာအုပ်တွင် အတိအလင်းဖော်ပြထားပါသည်။
ဗိုလ်ချုပ်အောင်ဆန်းကိုယ်တိုင် ၁၉၄၃ သြဂုတ် ၁ နေ့ထုတ် ဗမာ့ခေတ်သတင်းတွင်ရေးသားခဲ့သော `ဗမာ့လွတ်လပ်ရေး အရေးတော်ပုံ´ အမည်ရှိဆောင်းပါး၌ “အမြဲတမ်းစစ်တပ်ကြီးတစ်ခု၏ အခြေမျိုးရောက်အောင် ၁၉၄၂ ဇူလိုင်လတွင် ဗမာ့လွတ်လပ်ရေးတပ်မတော်ကို ဗမာ့ ကာကွယ်ရေးတပ်မတော်ဟူ၍ ပြောင်းလဲဖွဲ့စည်းလိုက်လေသည်။” ဟူ၍ပါရှိရာ ဘီဒီအေဖွဲ့စည်းခဲ့သည့်ရက်စွဲကို ၁၉၄၂ ခုနှစ် ဇူလိုင်လ ၂၇ ရက်ကိုသာ အတိယူရမည် ဖြစ်ပါသည်။

● ဗိုလ်ချုပ်နှင့်ဒေါ်ခင်ကြည်တို့ လက်ထပ်မင်္ဂလာရက်စွဲအမှား

ဗိုလ်ချုပ်အောင်ဆန်းနှင့် မြောင်းမြမြို့နေ အဖဦးဖိုးညှင်း၊ ဒေါ်ဖွားစုတို့၏ သတ္တမမြောက်သမီး သူနာပြုချုပ် ဒေါ်ခင်ကြည်တို့သည် တွေ့ဆုံ မေတ္တာမျှခဲ့ပြီးနောက် ၁၉၄၂ စက်တင်ဘာလ ၆ ရက်နေ့ နေ့လည် ၂ နာရီတွင် ဂျပန်ခေတ် ဘီဒီအေဆေးရုံကြီး (နောင် စစ်ရုံးချုပ်၊ ယခု နိုင်ငံတော်ကာကွယ်ရေးတက္ကသိုလ်) အရှေ့ဘက်အစွန်ဆုံးခန်းမဆောင်တွင် ထိမ်းမြားလက်ထပ်ခဲ့လေသည်။ ၁၉၆၇ ခုနှစ် ဟံသာဝတီပုံ နှိပ်တိုက်မှထုတ်ဝေခဲ့သော ဒေါက်တာမြင့်ဆွေ၏ ‘ဂျပန်ခေတ် ဆေးရုံကြီးဝယ်’ စာအုပ် စာမျက်နှာ ၈၄ တွင်လည်း ယင်းအတိုင်းပင် ဖော်ပြ ထားပါသည်။
သို့သော် ၁၉၅၅ ခုနှစ် သမာမိတ္တစာပေဖြန့်ချိရေးမှထုတ်ဝေသော ဗိုလ်ထွန်းလှ (တက္ကသိုလ်နေ၀င်း) ၏ `ဗိုလ်ချုပ်အောင်ဆန်း´ စာအုပ် စာ မျက်နှာ ၇၃ ၌ ၁၉၄၂ မေလဟု မှားယွင်းစွာဖော်ပြထားပါသည်။ ထိုနည်းတူစွာ ၂၀၁၁ စိတ်ကူးချိုချိုစာပေမှ ဒုတိယအကြိမ်ထုတ်ဝေသော မဟာဆွေ၊ မြဒေါင်းညိုတို့၏ `အောင်ဆန်းဘာလဲ´ စာအုပ် စာမျက်နှာ ၆၄၌ “၁၉၄၂ မေလတွင် ဒေါ်ခင်ကြည်နှင့်လက်ထပ်သည်။ ဇူလိုင် လတွင် ဗိုလ်မှူးကြီးရာထူးဖြင့် ဗမာ့ကာကွယ်ရေးတပ်မတော် စစ်သေနာပတိအဖြစ် ဆောင်ရွက်သည်” ဟူ၍ မှားယွင်းဖော်ပြထားသည်။
မြန်မာပြည် ဂျပန်စစ်တပ်ဗဟိုဌာန၌ ဘီဒီအေ ဗိုလ်မှူးကြီးအောင်ဆန်းအား မြန်မာပြည်စစ်တပ်များ၏ သေနာပတိအဖြစ် ခန့်အပ်သည့်ရက် စွဲမှာ ၁၉၄၂ ဇူလိုင်လ ၂၉ ရက်ဖြစ်သည်။ ဗမာ့ကာကွယ်ရေးတပ်မတော်၏ ဗိုလ်ချုပ်ရာထူးကို ၁၉၄၃ မတ်လ၁၁ရက်ကျမှသာ ပေးအပ် ခဲ့ပါသည်။ ဗိုလ်ချုပ်အောင်ဆန်းနှင့် ဒေါ်ခင်ကြည်တို့သည် သားသမီး (၄) ဦး ထွန်းကားခဲ့ရာ သားကြီး မောင်အောင်ဆန်းဦးကို ၁၉၄၃ ဇွန် ၁၃ ရက်နေ့တွင်လည်းကောင်း၊ သားလတ် မောင်အောင်ဆန်းလင်းကို ၁၉၄၄ မေ ၁၀ ရက်နေ့တွင်လည်းကောင်း၊ သမီးအောင်ဆန်းစုကြည်ကို ၁၉၄၅ ဇွန်လ ၁၉ ရက်တွင်လည်းကောင်း၊ အငယ်ဆုံးသမီးထွေးလေးအား ၁၉၄၆ စက်တင်ဘာ ၂၂ ရက်တွင်လည်းကောင်း ဖွားမြင်ခဲ့သည်။ သို့သော် သမီးထွေးသည် ဖွားမြင်ပြီး ၅ ရက်အကြာ ၁၉၄၆ စက်တင်ဘာလ ၂၆ ရက်နေ့တွင် ကွယ်လွန်ခဲ့သလို သားလတ် အောင်ဆန်းလင်း သည် ၁၉၅၃ ဇန်န၀ါရီလ ၁၆ ရက်နေ့တွင် အမှတ် ၂၅၊ တာဝါလိန်းလမ်း (ယခု ဗိုလ်ချုပ်အောင်ဆန်းပြတိုက်လမ်း) ရှိ နေအိမ်၌ ရေနစ် သေဆုံးသွားခဲ့ရာ သားသမီး (၂) ဦး အဖတ်တင်ခဲ့လေသည်။
ဗိုလ်ချုပ်အောင်ဆန်း၏ အတ္ထုပ္ပတ္တိစာအုပ်အများစု၌ ဗိုလ်ချုပ်အောင်ဆန်းနှင့်ဒေါ်ခင်ကြည်တို့သည် သားသမီး (၃) ဦးသာ ထွန်းကားခဲ့သည် ဟူ၍သာ ဖော်ပြခဲ့ကြသည်။

● ဖက်ဆစ်တိုက်ဖျက်ရေးအဖွဲ့ ဖွဲ့စည်းခဲ့သည့်ရက်စွဲအမှား

၁၉၄၄ သြဂုတ်လ (၄) ရက် မှ (၇) ရက်အတွင်း ပဲခူးမြို့ သနပ်ပင်အထွက် ရွှေအောင်ရိုးစခန်း၌ ဖွင့်လှစ်ထားသည့် “ဗမာ့တပ်မတော် `စံပြ´ တပ်ရင်းရှိ ဗိုလ်ကျော်ဇောအိမ်တွင် တပ်မတော်ကိုယ်စားလှယ်အဖြစ် ဗိုလ်ချုပ်အောင်ဆန်း၊ ကွန်မြူနစ်ပါတီကိုယ်စား သခင်စိုး၊ ဗမာပြည် ကွန်မြူနစ်ပါတီကိုယ်စား သခင်သန်းထွန်းတို့ (၃) ဦး လျှို့ဝှက် တွေ့ဆုံဆွေးနွေးပြီး ဖက်ဆစ်ဂျပန်တို့ကို တော်လှန်ရန်၊ တော်လှန်ရေးအတွက် လူမျိုးပေါင်းစုံ၊ ဘာသာပေါင်းစုံ၊ နိုင်ငံရေးပါတီပေါင်းစုံနှင့် လူထုလူတန်စား အလွှာအသီးသီးပါဝင်နိုင်သည့် ဖက်ဆစ်ဆန့်ကျင်ရေး တပ်ပေါင်း စုကြီးတရပ်အဖြစ် ဖက်ဆစ်တိုက်ဖျက်ရေးအဖွဲ့တခုကို ဖွဲ့စည်းတည်ထောင်ရန် သဘောတူဆုံးဖြတ်ခဲ့ကြသည်။ ယင်းနှင့်ပတ်သက်၍ ၁၉၇၄ ခုနှစ် နွယ်နီပုံနှိပ်တိုက်မှာ တတိယအကြိမ်ထုတ်ဝေသော ဗိုလ်ချုပ်အောင်ဆန်း၏ `ဘားမားချဲ့လင့်ခ်ျ´ စာအုပ် စာ ၅၂ နှင့် ၁၉၇၄ တသက်တာစာပေတိုက်မှ ဒုတိယအကြိမ်ထုတ်ဝေသော သခင်တင်မြ ရေး `ဘုံးဘ၀မှာဖြင့်´ စာအုပ် စာမျက်နှာ ၅၉၄ နှင့် ၅၉၅ တို့၌လည်း ရေးသားဖော်ပြထားသည်။ ထို့အပြင် ဗိုလ်ချုပ်ကိုယ်တိုင်ရေး `ဖက်ဆစ်တော်လှန်ရေးသမိုင်း´ ကို တက္ကသိုလ်နေ၀င်း မြန်မာပြန်ဆိုသည့် ဗိုလ် ချုပ်အောင်ဆန်းနှင့်လွတ်လပ်ရေးကြိုးပမ်းမှုမှတ်တမ်း (တကောင်းစာပေ ၂၀၀၉ ဇန်န၀ါရီလထုတ်) စာအုပ် စာ ၂၁၆ ၌- `၁၉၄၄ခုနှစ် သြဂုတ် ၄ မှ ၇ ရက်အတွင်း ပဲခူးမြို့ရှိ မြန်မာ့တပ်မတော်စံပြတပ်ရင်းတွင် တပ်မခေါင်းဆောင်များနှင့် နိုင်ငံရေးခေါင်းဆောင်များကို လျှို့ဝှက်စည်းဝေးကာ ဗိုလ်ချုပ်တင်ပြသော ဖက်ဆစ်တိုက်ဖျက်ရေး ပြည်သူ့အဖွဲ့ချုပ်ကိုဖွဲ့စည်းရန် အဆိုပြုချက်ကို အားလုံးက လက်ခံ အတည်ပြုလိုက်ကြသည်” ဟူ၍ တိကျစွာဖော်ပြထားပါသည်။
သို့သော် ၂၀၁၁ မေလထုတ် `မြန်မာသစ်မဂ္ဂဇင်း´ ၌ လှကွန့်၏ “စံပြတပ်ရင်းအခန်းကျဉ်းကျိတ်ဝိုင်းကလေးမှသည်” ဆောင်းပါး စာမျက်နှာ ၄၇ ၌ “စံပြတပ်ရင်းတည်ရှိရာ ဗိုလ်ချုပ်ကျော်ဇောအိမ်တွင် ၁၉၄၄ ခုနှစ်၊ သြဂုတ်လ ၃ ရက်မှ ၆ ရက်နေ့အထိ ပြုလုပ်ခဲ့တာဖြစ်တယ်။ တက် ရောက်သူတွေကတော့ ဗိုလ်ချုပ်အောင်ဆန်း (တပ်မတော်ကိုယ်စား)၊ သခင်စိုး (ကွန်မြူနစ်ပါတီ)၊ သခင်သန်းထွန်း (ဗမာပြည်ကွန်မြူနစ်ပါတီ)တို့ သုံးဦးသာဖြစ်ပါတယ်´ သူတို့သုံးဦးဆွေးနွေးဆုံးဖြတ်ချက်ကို အကောင်အထည်ဖော်တဲ့အနေနဲ့ ၁၉၄၅ မတ် ၁ မှ ၃ ရက်နေ့အထိ ရန် ကုန်မြို့ပတ်လမ်း၊ ယခု နတ်မောက်လမ်း (ဗိုလ်ချုပ်အောင်ဆန်းပြတိုက်) ဗိုလ်ချုပ်အိမ်မှာ အစည်းအဝေးကျင်းပခဲ့တယ်” ဟူ၍ ရေးသား ထားလေသည်။
အမှန်မှာ ပဲခူးစံပြတပ်ရင်း၌ ဗိုလ်ချုပ်အောင်ဆန်း၊ သခင်စိုး၊ သခင်သန်းထွန်းတို့သုံးဦး ဆွေးနွေးခဲ့သည်ကို အကောင်အထည်ဖော်သည့် အနေဖြင့် ၁၉၄၄ ခုနှစ် သြဂုတ်လ ၂၃ ရက်နေ့တွင် ရန်ကုန်မြို့ ကန်တော်ကြီးပတ်လမ်း (Park Road) (ယခု နတ်မောက်လမ်း) နှင့် ဗိုလ်မြတ်ထွန်းလမ်းထောင့်ရှိ ဗိုလ်ချုပ်အောင်ဆန်းနေအိမ်တွင် ဗမာ့တပ်မတော်၊ ပြည်သူ့အရေးတော်ပုံပါတီ၊ ကွန်မြူနစ်ပါတီခေါင်းဆောင်များ သည် ဖက်ဆစ်တိုက်ဖျက်ရေး၊ ပြည်သူ့အဖွဲ့ချုပ် (ဖတပ) (Anti-Fascist Organization – AFO) ဖွဲ့စည်းရေး အစည်းအဝေးကျင်းပသည်။ ယင်းအချက်နှင့် ပတ်သက်၍ ၁၉၆၉ သီဟပုံနှိပ်တိုက်မှထုတ်ဝေသော `သခင်လွင်´ ၏ `ဂျပန်ခေတ် ဗမာပြည်´ စာအုပ် စာမျက်နှာ ၂၈၂ ၌ လည်း ဖော်ပြထားပါသည်။
ထို့နောက် ဗိုလ်ချုပ်အောင်ဆန်း၏ဆန္ဒအရ တပ်မတော်ခေါင်းဆောင်များဖြစ်သော ဗိုလ်မှူးကြီးနေ၀င်း၊ ဗိုလ်မှူးရဲထွဋ်၊ ပြည်သူ့အရေးတော်ပုံပါတီခေါင်းဆောင်များဖြစ်သော ဦးဗဆွေ၊ ဦးကျော်ငြိမ်းတို့သည် ဒေးဒရဲရှိ သခင်စိုးထံ လျှို့ဝှက်စွာသွားရောက်၍ ဖွဲ့စည်းပြီးဖြစ်သော ဖက် ဆစ်တိုက်ဖျက်ရေး ပြည်သူ့အဖွဲ့ချုပ်ကို တိုးချဲ့ဖွဲ့စည်းရေး တပ်မတော်အတွင်းရှိ လက်ဝဲအင်အားစုများ၊ ပြည်သူ့အရေးတော်ပုံပါတီနှင့် ကွန်မြူနစ်ပါတီတို့ကို တစ်ပါတီတည်းအဖြစ် ပူးပေါင်းဖွဲ့စည်းရေးနှင့် ဖက်ဆစ်ဂျပန်တော်လှန်ရေးအတွက် ပြင်ဆင်စည်းရုံးမှုလုပ်ငန်းများကို ဆွေးနွေးခဲ့ကြသည်။
ယင်းနှစ် စက်တင်ဘာလ ၁၈ ရက်နေ့တွင် ဖတပလအဖွဲ့ချုပ်က အိန္ဒိယနိုင်ငံသို့ စစ်ပညာသင်ကြားရန် သခင်ဗိုလ် (ကာလကတ္တား လေ ယာဉ်ကွင်းမှအတက် လေယာဉ်ပျက်ကျ၍ ကွယ်လွန်သူ)၊ ကိုဝင်းမောင် (နောင် မြန်မာနိုင်ငံသမ္မတကြီး မန်းဝင်းမောင်)၊ ကိုကျော်ရင် (နောင် မန္တလေးတက္ကသိုလ်ပါမောက္ခချုပ်)၊ သခင်အုန်း (ဖျာပုံ)၊ ကိုသန်း၊ အောင်ထွန်း (ဗိုလ်မှူးချစ်ကောင်း) တို့ ရန်ကုန်မှမန္တလေးသို့ မော်တော် ကားဖြင့်ထွက်ခွာခဲ့ကြောင်း ၁၉၄၅ခုနှစ်၌ အောင်ထွန်း (ဗိုလ်မှူးချစ်ကောင်း) ရေး `သိန်းဖေစခန်းမှသန်းထွန်းစခန်းသို့´ စာအုပ် စာမျက်နှာ- ၇ ၌ ဖော်ပြထားသည်။
ထို့နောက် ၁၉၄၅ ခုနှစ် မတ်လ ၁ ရက်မှ ၃ ရက်နေ့အထိ ရန်ကုန်မြို့ပတ်လမ်း (ယခု ဗိုလ်ချုပ်ပြတိုက်လမ်း) အမှတ် ၂၅ ရှိ ဗိုလ်ချုပ် အောင် ဆန်းနေအိမ်တွင် ဖက်ဆစ်တိုက်ဖျက်ရေးနှင့် ပြည်သူ့အဖွဲ့ချုပ်ခေါင်းဆောင်များ အစည်းအဝေးကျင်းပခဲ့ကြသည်။ ယင်းအစည်းအဝေး၌ အိန္ဒိယမဟာမိတ်စစ်ဌာနချုပ်မှပေးစာနှင့် သခင်သိန်းဖေ (သိန်းဖေမြင့်)ထံမှ ပေးစာတို့အပေါ်မူတည်၍ ဆွေးနွေးကာ ဖက်ဆစ်ဂျပန်တော်လှန် ရေးနှင့်ပတ်သက်သောဆုံးဖြတ်ချက်များကို သဘောတူချမှတ်ကြသည်။ ထိုနေ့မှာပင် ဖက်ဆစ်တိုက်ဖျက်ရေး ပြည်သူ့အဖွဲ့ချုပ်ကိုလည်း ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ချုပ် (ဖတပလ) ဟု အမည်ပြောင်း၍ ဖတပလဦးစီးအဖွဲ့ကို အောက်ပါပုဂ္ဂိုလ်များဖြင့် ပြင်ဆင်ဖွဲ့စည်းခဲ့သည်။
● တပ်မတော်ကိုယ်စားလှယ်သုံးဦး
(၁) ဗိုလ်ချုပ်အောင်ဆန်း
(၂) ဗိုလ်မှူးကြီးလက်ျာ
(၃) ဗိုလ်မှူးကြီးနေ၀င်း
● ပြည်သူ့အရေးတော်ပုံပါတီ ကိုယ်စားလှယ်သုံးဦး
(၁) ဦးဗဆွေ
(၂) ဦးကျော်ငြိမ်း
(၃) သခင်ချစ်
● ကွန်မြူနစ်ပါတီ ကိုယ်စားလှယ်သုံးဦး
(၁) သခင်စိုး
(၂) သခင်သန်းထွန်း
(၃) သခင်တင်မြ
တဖန် ၁၉၄၄ အောက်တိုဘာ ၃ ရက်တွင် ဖက်ဆစ်တော်လှန်ရေးကိုဦးစီးရန် ဖတပလ ဗဟိုစစ်ကောင်စီကိုလည်း အောက်ပါအတိုင်း ဖွဲ့ စည်းခဲ့သည်။ ယင်းတို့မှာ-
(၁) သခင်စိုး – နိုင်ငံရေးခေါင်းဆောင်
(၂) ဗိုလ်ချုပ်အောင်ဆန်း – စစ်ရေးခေါင်းဆောင်
(၃) သခင်သန်းထွန်း – ပြောက်ကျားနှင့်နိုင်ငံခြားဆက်သွယ်ရေးခေါင်းဆောင်
(၄) ဗိုလ်လက်ျာ – အဖွဲ့ဝင်
(၅) ဗိုလ်နေ၀င်း – အဖွဲ့ဝင်
(၆) ဦးကျော်ငြိမ်း – အဖွဲ့ဝင်
(၇) သခင်ချစ် – အဖွဲ့ဝင်
ထို့နောက် ဗမာ့ကာကွယ်ရေးတပ်မတော်ကိုလည်း `ပြည်သူ့လွတ်လပ်ရေးတပ်မတော်´ (အတိုကောက်အားဖြင့် ပြည်သူ့တပ်မတော်) ဟု အမည်ပြောင်းလဲရန်နှင့် ဖက်ဆစ်ဂျပန်များကို လက်နက်ကိုင်တော်လှန်ရေးစတင်ရန် မြန်မာနိုင်ငံအနှံ့ရှိ တပ်မတော်တပ်ဖွဲ့များနှင့် ဖတပလ အဖွဲ့ခွဲများသို့ `ပုန်ကန်ထကြွရေး ညွှန်ကြားချက်အမှတ် `၁´ ကို ထုတ်ပြန်ရန် သဘောတူခဲ့ကြသည်။ ဖက်ဆစ်တော်လှန်ရေးဆင်နွှဲရန် စစ် တိုင်းကြီးများခွဲခြင်း၊ စစ်နယ်မြေများသတ်မှတ်ခြင်းနှင့် စစ်ရေးနှင့် နိုင်ငံရေးခေါင်းဆောင်များရွေးချယ်ခြင်း စသည်တို့ကို ဆွေးနွေးဆုံး ဖြတ်ကြသည်။
ဖက်ဆစ်တော်လှန်ရေးဆင်နွှဲရန် သတ်မှတ်လိုက်သည့် စစ်တိုင်းကြီးများ၊ စစ်နယ်မြေများ နှင့် ဦးစီးခေါင်းဆောင်များမှာ -
● တိုင်း အမှတ် (၁) ပြည်၊ သာယာဝတီ၊ အင်းစိန်၊ ဟင်္သာတ (အရှေ့)
မင်းလှစည်သူတပ်ဖွဲ့
တိုင်းမှူး – ဗိုလ်မှူး မောင်မောင်
နိုင်ငံရေးခေါင်းဆောင် – သခင်ဗဟိန်း (သို့သော် နောက်ပိုင်းတွင် သခင်ဗဟိန်းအား တောင်ငူနယ်တွင်ပင် တာဝန်ပေးအပ်သည်။)
● တိုင်းအမှတ် (၂) ဟံသာဝတီ၊ ဖျာပုံ၊ မအူပင်
ကျော်ခေါင်ဗလတပ်ဖွဲ့
တိုင်းမှူး – ဗိုလ်မှူးကြီး နေ၀င်း
နိုင်ငံရေးခေါင်းဆောင် – သခင်စိုး
● တိုင်းအမှတ် (၃) ပုသိမ်၊ ဟင်္သာတ (အနောက်)၊ မြောင်းမြ
ရဲကျော်သူရတပ်ဖွဲ့
တိုင်းမှူး – ဗိုလ်မှူးကြီး စောကြာဒိုး
နိုင်ငံရေးခေါင်းဆောင် – ဗိုလ်မှူးကြီးလက်ျာ
● တိုင်းအမှတ် (၄) ပဲခူး၊ ရွှေကျင်၊ သထုံ
လက်ျာကျော်ထင်တပ်ဖွဲ့
တိုင်းမှူး – ဗိုလ်မှူးကျော်ဇော
နိုင်ငံရေးခေါင်းဆောင် – သခင်ချစ် (နောင် ဗကပအတွင်းရေးမှူး၊ တောတွင်းကျဆုံး)
● တိုင်းအမှတ် (၅) မော်လမြိုင်၊ ထားဝယ်၊ မြိတ်
ဇေယျကျော်သူတပ်ဖွဲ့
တိုင်းမှူး – ဗိုလ်မှူးတင်ထွန်း
နိုင်ငံရေးခေါင်းဆောင် – သခင်ဗသိန်းတင်
● တိုင်းအမှတ် (၆) မိတ္ထိလာ၊ ပျဉ်းမနား၊ တောင်ငူ၊ တောင်ပိုင်းရှမ်းပြည်
ဘယကျော်ထင်တပ်ဖွဲ့
တိုင်းမှူး – ဗိုလ်မှူးရဲထွဋ်
နိုင်ငံရေးခေါင်းဆောင် – သခင်ကျော်ငြိမ်း (နောင် ဖဆပလ၀န်ကြီးဟောင်း)
● တိုင်းအမှတ် (၇) သရက်၊ အောင်လံ၊ မကွေး၊ မင်းဘူး
သီရိကျော်ထင်တပ်ဖွဲ့
တိုင်းမှူး – ဗိုလ်မှူးအောင်
နိုင်ငံရေးခေါင်းဆောင် – သခင်တင်မြ
● အထက်မြန်မာပြည်တိုင်း – မန္တလေး၊ စစ်ကိုင်း၊ ရွှေဘို၊ မုံရွာ၊ မော်လိုက်၊ မြောက်ပိုင်းရှမ်းပြည်
တိုင်းမှူး – ဗိုလ်မှူး ဗထူး (နောင် ဗိုလ်မှူးကြီး)
နိုင်ငံရေးခေါင်းဆောင် – ရဲဘော်စံညွှန့် (ကျဆုံး)
● ရခိုင်တိုင်း
စစ်ရေး၊ နိုင်ငံရေးခေါင်းဆောင် – ကိုညိုထွန်း
● ရန်ကုန်တိုင်း
တိုင်းမှူး – ဗိုလ်မှူး ခင်ညို
နိုင်ငံရေးခေါင်းဆောင် – ဦးကျော်ငြိမ်း (အာအီးတီ)
ရန်ကုန်ခရိုင်တာဝန်ခံ – ဦးဗဆွေ
ရှေ့တန်းစစ်ဌာနချုပ် စစ်ကြောင်းမှူး – ဗိုလ်မှူးကြီး ဇေယျ
ထို့နောက် ဖတပလ ဗဟိုဦးစီးအဖွဲ့ကို ၁၆ ဦးဖြင့် တိုးချဲ့ဖွဲ့စည်းခဲ့သည်။ ယင်းတို့မှာ-

(၁) ဗိုလ်ချုပ်အောင်ဆန်း
(၂) ဗိုလ်နေ၀င်း
(၃) ဗိုလ်လက်ျာ
(၄) သခင်စိုး
(၅) သခင်သန်းထွန်း
(၆) ကိုသိန်းဖေ
(၇) ကိုဗဟိန်း
(၈) ကိုကျော်ငြိမ်း
(၉) ကိုဗဆွေ
(၁၀) သခင်ချစ်
(၁၁) ဒီးဒုတ်ဦးဘချို
(၁၂) ဦးမြ (ဟင်္သာတ)
(၁၃) ဦးအောင်ဇံဝေ
(၁၄) စောဘဦးကြီး
(၁၅) ကိုချစ်မောင်
(၁၆) ဦးရဲညွှန့်တို့ဖြစ်ကြသည်။
တဖန် ဖတပလဦးစီးအဖွဲ့ကို (၁၆) ဦး မှ (၃၆) ဦး ထပ်မံတိုးချဲ့ ဖွဲ့စည်းခဲ့ပြန်သည်။ တိုးချဲ့ဖွဲ့စည်းလိုက်သည့် အဖွဲ့ဝင်များမှာ-
(၁) ဗိုလ်ချုပ်အောင်ဆန်း
(၂) ဗိုလ်လက်ျာ
(၃) ဗိုလ်နေ၀င်း
(၄) သခင်သန်းထွန်း
(၅) သခင်မြသွင်
(၆) သခင်ဗဟိန်း
(၇) ကိုသိန်းဖေ
(၈) ဦးဗဆွေ
(၉) ဦးကျော်ငြိမ်း
(၁၀) သခင်ချစ်
(၁၁) သခင်ဗတင် (လက်သီးပုန်း သခင်ဗတင်)
(၁၂) ဒီးဒုတ်ဦးဘချို
(၁၃) ဦးချစ်မောင်
(၁၄) ဦးမြ (ဟင်္သာတ)
(၁၅) ဦးဘအုန်း
(၁၆) ဦးအေး
(၁၇) ဦးအောင်ဇံဝေ
(၁၈) ဦးဘိုးမြ (ကသက)
(၁၉) ဦးကျော်ရင်
(၂၀) ဦးဗဂျမ်း
(၂၁) စောဘဦးကြီး
(၂၂) သရာသာထို
(၂၃) ဦးဘခိုင်
(၂၄) ဦးဘဘေ
(၂၅) ဦးသိမ်းမောင်
(၂၆) ဦးပု
(၂၇) ဦးဆက်
(၂၈) ဦးမြ (ပျော်ဘွယ်)
(၂၉) ဦးဘ၀င်း
(၃၀) ဦးတင် (မြန်မာ့အလင်း)
(၃၁) သခင်လေးမောင်
(၃၂) သခင်ညီ
(၃၃) မစ္စတာရာမန်
(၃၄) ဦးကြင်မှိန်
(၃၆) ဦးမျိုးရှုတို့ဖြစ်ကြသည်။
ထို့နောက် ၁၉၄၅ မတ်လ ၁၁ ရက်နေ့တွင် ဗြိတိသျှတပ်များ မန္တလေးတောင်ကို သိမ်းပိုက်လိုက်သည့်နေ့မှာပင် ဗိုလ်ချုပ်အောင်ဆန်းအိမ်မှာပင် ဗိုလ်ချုပ်အောင်ဆန်း၊ သခင်သန်းထွန်း၊ ဦးဗဆွေ၊ ဗိုလ်မှူးကြီးနေ၀င်း၊ ဗိုလ်မှူးကြီးဇေယျ၊ သခင်ချစ်နှင့် အခြားတပ်မှူး ၃-၄ ဦးတို့ ဆွေး နွေးခဲ့ကြပြီး ဖက်ဆစ်တော်လှန်ရေးအတွက် ပြင်ဆင်မှုများ မတ်လ ၂၃-၂၅ လောက်တွင် ပြီးစီးမည်ဟု ခန့်မှန်း၍ ၁၉၄၅ခုနှစ် မတ် ၂၅ရက် ည ၇နာရီ ၃၀ မိနစ် (၁၉း၃၀) နာရီတိတိတွင် ဖက်ဆစ်ဂျပန်တို့ကို တပြိုင်တည်း တော်လှန်တိုက်ခိုက်ကြရမည်ဟု သတ်မှတ်လိုက်ကြသည်။
ယင်းနောက် ၁၉၄၅ မတ်လ ၁၇တွင် ရန်ကုန်မြို့ ပြည်လမ်း ဂေါ့ဖ်ကစား (ယခုတော်လှန်ရေးပန်းခြံ) တွင် ဗမာ့တပ်မတော် စစ်ရေးပြပွဲ အခမ်းအနားကို ဗိုလ်ချုပ်အောင်ဆန်းကိုယ်တိုင်ဦးစီးကျင်းပ၍ မိန့်ခွန်းပြောကြားခဲ့သည်။
သို့သော် အခြေအနေအရပ်ရပ်သုံးသပ်၍ ၁၉၄၅ မတ်လ ၁၈ရက်နေ့တွင် ဗိုလ်ချုပ်အောင်ဆန်းနေအိမ်၌ကျင်းပခဲ့သော အစည်းအဝေး၌ တော်လှန်ရေးနေ့ကို ဧပြီ ၂ ရက်နေ့သို့ ပြောင်းလဲသတ်မှတ်ခဲ့ကြသည်။ ထိုနေ့မှာပင် ဗိုလ်ချုပ်အောင်ဆန်းက စစ်တိုင်းအမှတ် ၆ စစ်ရေးခေါင်း ဆောင် ဗိုလ်ရဲထွဋ် ဖက်ဆစ်တော်လှန်ရေးကို ၁၉၄၅ ဧပြီ ၂ သို့ပြောင်းလဲကြောင်း စာရေးသားပေးခဲ့သည်။
သို့သော် ၁၉၄၅ မတ် ၂၃ ရက် ညနေတွင် ပဲခူးမြို့ တိုင်း (၄) တိုင်းမှူး ဗိုလ်မှူးကျော်ဇောက တပ်ကြပ်ကြီးတင်ဦး (မကွေး) ကိုခေါ်၍ ပဲခူးရှိ ဗမာ့တပ်မတော်၏ လှုပ်ရှားမှုကို ဂျပန်တို့က သံသယရှိသဖြင့် ၎င်းတို့ပတ်ဝန်းကျင်တွင် ဂျပန်တပ်များချထားကြောင်း၊ ထို့ကြောင့် ဖက်ဆစ် ဂျပန်တော်လှန်ရေးနေ့ကို မူလသတ်မှတ်ထားသည့် ဧပြီ ၂ အစား မတ်လ ၂၇ ရက်နေ့ပြုလုပ်ခွင့်ပြုပါရန် အမိန့်တောင်းခံသည်။ ပန်ကြားစာကို ဗိုလ်ချုပ်အောင်ဆန်းပေးပို့ခဲ့သည်။
ဗိုလ်ချုပ်အောင်ဆန်းထံသို့ တပ်ကြပ်ကြီးတင်ဦးက ဗိုလ်မှူးကျော်ဇော၏ပန်ကြားစာကို ဖတ်ရှုပြီးနောက် အခြေအနေအရပ်ရပ်ကို သုံးသပ်၍ ဖက်ဆစ်ဂျပန်တော်လှန်ရေးကို မတ်လ ၂၇ ရက်နေ့သို့ ပြောင်းလဲလိုက်ပြီဖြစ်ကြောင်း ၁၉၄၅ မတ် ၂၄ ရက်နေ့တွင် တိုင်းအသီးသီးသို့ ဆက်သားများကိုစေလွှတ်ကာ အကြောင်းကြားခဲ့သည်။
ဤသို့ဖြင့် ၁၉၄၅ မတ်လ ၂၇ ည ၇နာရီတွင် သရက်ခရိုင်၊ ပုဏ္ဏားကျွန်း၌ ဖွင့်လှစ်ထားသော ပြည်သူ့လွတ်လပ်ရေးတပ်မတော်ဌာနချုပ်မှ ဖတပလမှဦးဆောင်၍ မြန်မာနိုင်ငံတစ်ဝှမ်းလုံးရှိ ဖက်ဆစ်ဂျပန်များကို တော်လှန်ပြီဖြစ်ကြောင်း ကြေညာခဲ့လေသည်။

● ဗိုလ်ချုပ်အောင်ဆန်း ကျဆုံးချိန်အမှား

၁၉၄၇ ခုနှစ် ဇူလိုင်လ (၁၉) ရက် စနေနေ့တွင် ရန်ကုန်မြို့ အတွင်းဝန်များရုံး (နောင်ဝန်ကြီးများရုံး) ၌ ဗိုလ်ချုပ်အောင်ဆန်းနှင့် အစိုးရအဖွဲ့ဝင် ၀န်ကြီးများ အစည်းအဝေးကျင်းပပြုလုပ်နေစဉ် မျိုးချစ်ပါတီခေါင်းဆောင်နှင့် နန်းရင်းဝန်ဟောင်း ဂဠုန်ဦးစော၏ စေခိုင်းချက်အရ လူသတ် သမားတို့၏လက်ချက်ဖြင့် ဗိုလ်ချုပ်အောင်ဆန်းနှင့် ၀န်ကြီးများဖြစ်ကြသော သခင်မြ၊ ဒီးဒုတ်ဦးဘချို၊ ဦးရာဇတ်၊ ဦးဘ၀င်း၊ မန်းဘခိုင်၊ မိုင်းပွန်စော်ဘွားကြီးစ၀်စံထွန်း၊ လမ်းပန်းဆက်သွယ်ရေးဌာနမှ ဒုတိယအတွင်းဝန် ဦးအုန်းမောင်၊ ပညာရေးဝန်ကြီး၏ သက် တော်စောင့် ကိုထွေးတို့ ကျဆုံးခဲ့ရသည်။
ဗိုလ်ချုပ်အောင်ဆန်းကျဆုံးချိန်မှာ ၁၉၄၇ ခုနှစ် ဇူလိုင်လ ၁၉ရက် စနေနေ့နံနက် ၁၀း၃၀ နာရီဖြစ်သည်။ ယင်းနှင့်ပတ်သက်၍ ဘုရင်ခံ၏ ခေတ္တအတွင်းဝန် အာရ်ဒဗလျူဒီဖောင်လာ (R.W.D Fowler) ထံမှ ဆာဂီဘတ်လိတ၀ိတ် (Sir Gilbert Lailkwaite) ထံသို့ပေးပို့ခဲ့သော ကြေးနန်းစာ (I.O.R ., M / 4 / 2714) ၌လည်း ဤသို့ အတိအကျဖော်ပြထားသည်။
“အသေးစိတ်အချက်အလက်များကို ကျွန်တော်ယခုပေးနိုင်ပါပြီ။ အမှုဆောင်အဖွဲ့အစည်းအဝေးအတွင်း ယနေ့နံနက် ၁၀း၃၀ နာရီတွင် အမှတ် ၁၂ စစ်တပ်အမှတ်အသားများပါရှိသော စစ်ကားတစ်စီးသည် အ၀င်တံခါးမကြီး၌ ထိုးရပ်လာခဲ့သည်။ ဂျစ်ကားထဲတွင် လူတစ် ယောက်ကျန်ရစ်ခဲ့သည်။ စတင်းဂန်းများနှင့် ရိုင်ဖယ်သေနတ် (၂) လက်ကိုင်ဆောင်ထားသော လူ (၄) ဦးသည် အမှုဆောင်အဖွဲ့အစည်း အဝေးခန်းမသို့ လှေကားမှတက်သွားကြသည်။ ခန်းမတံခါးဝအပြင်ဘက်၌ စောင့်ကြပ်နေသော လက်နက်ကိုင် ပြည်သူ့ရဲဘော်တစ်ဦးက သူတို့ကိုတားဆီးရန်ကြိုးစားစဉ် သေနတ်ဖြင့်အပစ်ခံလိုက်ရသည်။ သူက လက်နက်ကိုင်ဆောင်လာသူများကို အမှတ် (၄) ဗမာ့ရိုင်ဖယ်တပ်ဖွဲ့ ၀င်များဖြစ်သည်ဟု ပြောဆိုခဲ့သည်။ သူသည် ဆိုးဆိုးရွားရွား ဒဏ်ရာရရှိခဲ့သည့်အတွက် အသေးစိတ်အချက်အလက်များ မပေးနိုင်ခဲ့ပါ။ စတင်းဂန်းသေနတ်နှင့် လူသုံးယောက်သည် အမှုဆောင်ခန်းမအတွင်းသို့ ၀င်ရောက်ကြပြီး သေနတ်နှင့် တရကြမ်းမွှေ့ရမ်းပစ်ခတ်မှုကြောင့် ဦးအောင်ဆန်း၊ ဦးဘ၀င်း၊ ဦးအဗ္ဗဒူရာဇတ်၊ မန်းဘခိုင်၊ သခင်မြနှင့် ဦးအုန်းမောင်တို့ သေဆုံးပြီး၊ ဒီးဒုတ်ဦးဘချို (စိုးရိမ်ရသောအခြေအနေတွင်ရှိသည်)၊ မိုင်းပွန်စော်ဘွား (အခြေအနေကောင်းသည်) နှင့် ကိုထွေး (ဦးအဗ္ဗဒူရာဇတ်၏ သက်တော်စောင့်) တို့ ဒဏ်ရာရရှိသည်။
ပျော်ဘွယ်ဦးမြ၊ ဦးဗဂျမ်း၊ ဦးအောင်ဇံဝေနှင့် ဦးရွှေဘော် (အမှုဆောင်အဖွဲ့၏အတွင်းဝန်) တို့မှာ ထိခိုက်မှုမရှိ။ စောစံဖိုးသင် ခရီးထွက်နေပြီး သခင်နုသည် အစည်းအဝေးတွင် ရှိမနေခဲ့။
ထိခိုက်သေဆုံးသူများအား နှောင့်နှေးခြင်းမရှိဘဲ ဆေးရုံကြီးသို့ပို့ခဲ့သည်။ ရဲတပ်ဖွဲ့အနေဖြင့် အခြေအနေကို သွက်လက်ထက်မြက်စွာ ကိုင်တွယ်ဆောင်ရွက်နိုင်ခဲ့ပုံရပါသည်။
ယခုအဖြစ်အပျက်သည် အထွေထွေအုံကြွမှုကြီး၏ အစိတ်အပိုင်းတရပ်ဖြစ်မဖြစ် ပြသသည့် အရိပ်အယောင် တစုံတစ်ရာမရှိသေးပါ။ အလံနီကွန်မြူနစ်များက ဤတိုက်ခိုက်မှုအစီအစဉ်ကိုသိနေခဲ့သည့် အရိပ်အယောင်များရှိသည်။ လက်ရှိအစိုးရက သူတို့အပေါ် ပြင်းပြင်းထန် ထန် အရေးယူဆောင်ရွက်ရန် စဉ်းစားလိမ့်မည်ကို အခြားအတိုက်အခံပါတီများက ကြောက်လန့်နေကြောင်း ယုံကြည်ရသည်။ ဤသည်က အတိုက်အခံပါတီအားလုံးက ယခုတိုက်ခိုက်မှုအစီအစဉ်ကို ထိန်ချန်လျှို့ဝှက်ထားခဲ့ပုံရကြောင်း ပြောဆိုလျက်ရှိသော်လည်း အထောက် အထားမရှိပါ။
ဘုရင်ခံအနေဖြင့် ဗိုလ်ချုပ်ဘရစ် (ဂ်)၊ ဗိုလ်ချုပ်သောမတ်စ်၊ ရဲတပ်ဖွဲ့ စစ်ဆေးရေးအရာရှိချုပ်အပြင် ပြည်တွင်းလုံခြုံရေးနှင့် ပတ်သက်သော အခြားပုဂ္ဂိုလ်များနှင့် ယနေ့နံနက် တွေ့ဆုံဆွေးနွေးမှုများ ပြုလုပ်ခဲ့သည်။ ဗမာ့စစ်ဌာနချုပ်အနေဖြင့် နောင်ဖြစ်လာမည့် ပြဿနာများအတွက် ကြိုတင်ပြင်ဆင်မှုများ ပြုလုပ်ချက်ရှိသည်။
ဘုရင်ခံအနေဖြင့် လောလောဆယ်တွင် သခင်နု၊ ဦးအောင်ဇံဝေ၊ ပျော်ဘွယ်ဦးမြတို့နှင့် တိုင်ပင်ညှိနှိုင်းလျက်ရှိသည်။ အမှုဆောင်အဖွဲ့သစ် ဖွဲ့စည်းရေးအဆိုပြုချက်သတင်းများနှင့်အတူ နောက်ထပ်ကြေးနန်းစာကို ယင်းတိုင်ပင်ညှိနှိုင်းမှုပြီးပြီးချင်း ထပ်မံပေးပို့ပါမည်” ဟူ၍ ဖော်ပြ ထားသည်။
ထို့အပြင် အာဇာနည်ကုန်းရှိ ဗိုလ်ချုပ်အောင်ဆန်း ဂူဗိမာန်၌လည်း ဗိုလ်ချုပ်အောင်ဆန်းကျဆုံးချိန်ကို ၁၉၄၇ခုနှစ် ဇူလိုင် ၁၉ရက် (မြန်မာသက္ကရာဇ် ၁၃၀၉ ခု ၀ါခေါင်လဆန်း ၂ရက်) စနေနေ့ နံနက် ၁၀း၃၅ နာရီ ဟူ၍ပင် ကမ္ဗည်းရေးထိုးထား လေသည်။ ယင်းအချက်အလက်များကို မခိုင်လုံဟုဆိုလျှင် ၁၉၄၇ ဇူလိုင်လ ၂၀ရက်နေ့ထုတ် ဟံသာဝတီ၊ ကွန်မြူနစ်နေ့စဉ်၊ မြန်မာ့အလင်း၊ သမာဓိ၊ ဗမာ့ရှေ့ဆောင် စသည့် နေ့စဉ်သတင်းစာများနှင့် ရိုက်တာကြေးနန်းသတင်းများ ၌ ဗိုလ်ချုပ်အောင်ဆန်းကျဆုံးချိန်ကို နံနက် ၁၀း၃၅နာရီ ဟူ၍သာ အတိအကျ တညီတညွတ်တည်း ဖော်ပြထားပေသည်။
သို့သော် ၁၉၇၂ အောက်တိုဘာလ၌ စပယ်ဦးစာပေမှ ထုတ်ဝေသော ဦးမြင့်ဝေ (တပ်မတော်မြင့်သန္တာ) ၏ `ဗမာ့တော်လှန်ရေးအဘိဓာန်´ (၁၈၂၄ မှ ၁၉၇၁ အထိ) ၌လည်းကောင်း၊ ၂၀၁၁ မေလ ဇေတ၀န်စာအုပ်တိုက်ထုတ် သိန်းအေး၏ `အောင်ဆန်းဇာနည်´ စာအုပ်၌လည်း ကောင်း၊ ၂၀၁၁ ဇူလိုင်လ ခေတ်ပြတိုက် စာပေမှ ထုတ်ဝေသော ကလောင်စုံရေးသားသည့် `စာရေးဆရာ၊ နိုင်ငံရေးသမား၊ ပြည်ထောင်စုဖခင် ဗိုလ်ချုပ်အောင်ဆန်းနှင့် အမျိုးသားရေးဝါဒ´ စာအုပ်၌လည်းကောင်း၊ ၂၀၁၁ ဇူလိုင် နေရီရီစာပေတိုက်မှ ထုတ်ဝေသော ကလောင်စုံရေး သားသည့် `ဗိုလ်ချုပ်အောင် ဆန်း အမှတ်တရဆောင်းပါးများ´ စာအုပ်၌လည်းကောင်း၊ ၂၀၁၁ နိုဝင်ဘာလ ပုဂံစာပေတိုက်မှ ထုတ်ဝေသည့် မောင်ကျော်ရင်၏ `ဗိုလ်ချုပ်အောင်ဆန်း၏ နိုင်ငံရေးဂန္တ၀င်´ စာအုပ်၌လည်းကောင်း၊ ဗိုလ်ချုပ်အောင်ဆန်းကျဆုံးချိန် ၁၉၄၇ ခုနှစ် ဇူလိုင် ၁၉ရက် နံနက် ၁၀း၃၇ နာရီတွင် ဖော်ပြထားလေသည်။
ထို့ကြောင့် ဗိုလ်ချုပ်အောင်ဆန်းကျဆုံးချိန်ကို နံနက် ၁၀း၃၅ နာရီကိုသာ အတည်ပြုရပေမည်။
လုပ်ကြံခြင်းခံရသော အာဇာနည် (၉) ဦးအနက် ပြန်ကြားရေးဝန်ကြီး ဒီးဒုတ်ဦးဘချိုသည် ကျည်ဆံ ၅ ချက်ထိမှန်ကာ ၁၉၄၇ ခုနှစ် ဇူလိုင်လ ၁၉ရက် နေ့လည် ၁း၄၀နာရီတွင်လည်းကောင်း၊ ပညာရေးဝန်ကြီး ဦးရာဇတ်၏ သက်တော်စောင့် ရဲဘော်ကိုထွေးသည် ၁၉၄၇ ဇူလိုင် ၁၉ မွန်းလွဲ ၂နာရီ ၁၅မိနစ်တွင်လည်းကောင်း၊ ကြားဖြတ်အစိုးရအဖွဲ့ဝင် အတိုင်ပင်ခံ တောင်တန်းဒေသရေးရာဝန်ကြီး မိုင်းပွန်စော်ဘွားကြီး စ၀်စံထွန်းသည် ၁၉၄၇ ဇူလိုင် ၂၀ ရက် မွန်းတည့် ၁၂ နာရီတွင်လည်းကောင်း ကျဆုံးသွားခဲ့ရလေသည်။
ကြွင်းကျန်သော အာဇာနည်များ၏ ရုပ်ကလာပ်များကို မြန်မာနိုင်ငံလွတ်လပ်ရေးရရှိပြီး ၁၉၄၈ ခုနှစ် ဧပြီလ ၁၁ ရက်နေ့ ရန်ကုန်မြို့ ရွှေတိဂုံစေတီတော်ခြေရင်းရှိ အာဇာနည်ကုန်းတွင် နိုင်ငံတော်ဈာပနအခမ်းအနားကျင်းပ၍ ဂူသွင်းသင်္ဂြိုဟ်ခဲ့သည်။ သို့သော် အစ္စလာမ် ဘာသာဝင် (၂) ဦးဖြစ်သည့် ၀န်ကြီးဦးရာဇတ်နှင့်ကိုထွေးတို့၏ရုပ်အလောင်းများကို ရန်ကုန်မြို့ တာမွေမြို့နယ် မွတ်ဆလင်သင်္ချိုင်း၌ အတူယှဉ်၍ ဂူသွင်းသင်္ဂြိုဟ်ထားသည်။
အာဇာနည်စ၀်စံထွန်း၏ ရုပ်ကလာပ်ကိုမူ ရန်ကုန်မြို့မှ ရွှေညောင်မြို့သို့ ရထားဖြင့်လည်းကောင်း၊ ရွှေညောင်မှ (၄၄ )မိုင်ကွာဝေးသော မိုင်း ပွန်မြို့သို့ မော်တော်ယာဉ်ဖြင့်လည်းကောင်း အဆင့်ဆင့်သယ်ဆောင်၍ မိုင်းပွန်မြို့တွင် ရှမ်းရိုးရာ ဓလေ့ထုံးတမ်းစဉ်လာအတိုင်း မီး သင်္ဂြိုလ်၍ ကြွင်းကျန်သည့်အရိုးပြာကို မိုင်းပွန်မြို့နှင့် ရန်ကုန်မြို့ အာဇာနည်ဗိမာန်၌ အမှတ်တရအုတ်ဂူတည်ထားသည်။
ထို့နောက် တပ်မတော်ဖခင်ကြီးနှင့် မြန်မာ့လွတ်လပ်ရေးဗိသုကာကြီး ဗိုလ်ချုပ်အောင်ဆန်းကျဆုံးပြီး (၈)နှစ်အကြာတွင် ရန်ကုန်မြို့ နတ် မောက်လမ်းရှိ ကန်တော်ကြီးပန်းခြံ၌ စိုက်ထူထားသော အက်ဒ၀ပ်ဘုရင်၏ ကြေးရုပ်ထုကို ဖယ်ရှား၍ ၁၉၅၅ ဖေဖော်ဝါရီ ၁၃ရက်နေ့တွင် လန်ဒန်မြို့ ဆာဂျွန်ကက်စ် အနုပညာသိပ္ပံကျောင်းမှ ကျောင်းအုပ်ကြီးပန်းပုပညာရှင် မစ္စတာကော့ပ်နောက် ထုလုပ်ခဲ့သည့် အမြင့် ၈ ပေ ၄ လက်မရှိ ဗိုလ်ချုပ်အောင်ဆန်းကြေးရုပ်တုကို စိုက်ထူ၍ နိုင်ငံတော်အခမ်းအနားဖြင့် ဖွင့်လှစ်ခဲ့လေသည်။ ကန်တော်ကြီးပတ်လမ်းကိုလည်း ဗိုလ်ချုပ်၏ မွေးဖွားရာဇာတိဖြစ်သော နတ်မောက်မြို့ကို ဂုဏ်ပြုသောအားဖြင့် နတ်မောက်လမ်းဟူ၍လည်းကောင်း၊ ကန်တော်ကြီးပန်းခြံ ကိုလည်း ဗိုလ်ချုပ်ပန်းခြံဟူ၍ အမည်ပြောင်းလဲခဲ့ကြသည်။
ထို့အပြင် ၁၉၅၆ ဖေဖော်ဝါရီလ ၁၃ရက်တွင် ကျရောက်သော ဗိုလ်ချုပ်အောင်ဆန်းမွေးနေ့ကို နောင်တခေတ်လူငယ်များ ဗိုလ်ချုပ်၏ ရဲရင့်မှု၊ ရိုးသားဖြောင့်မတ်မှု၊ ဇွဲလုံ့လရှိမှု၊ နိုင်ငံနှင့်လူမျိုးအပေါ် သစ္စာရှိမှု၊ ကိုယ်ကျိုးစွန့်အနစ်နာခံဆောင်ရွက်မှုများကို အတုယူနိုင်ရန် ရည်ရွယ်၍ ‘မြန်မာနိုင်ငံကလေးများနေ့’ အဖြစ်သတ်မှတ်ကာ ဗိုလ်ချုပ်အောင်ဆန်းပန်းခြံ၌ စတင် ကျင်းပခဲ့လေသည်။
သို့သော် ၁၉၆၂ တွင် တော်လှန်ရေးကောင်စီတက်ရောက်လာပြီးနောက် မြန်မာနိုင်ငံကလေးများနေ့ကို တဖြည်းဖြည်း မှေးမှိန်ကွယ်ပျောက် သွားစေရန် ယနေ့တိုင်ပြုလုပ်လျက်ရှိရာ မြန်မာ့လွတ်လပ်ရေးအတွက် ကြိုးပမ်းဆောင်ရွက်၍ အသက်ပေးကျဆုံးသွားခဲ့ရသော အမျိုးသား ခေါင်းဆောင်ကြီး ဗိုလ်ချုပ်အောင်ဆန်း၏ကျေးဇူးကို မျက်ကွယ်ပြုရာကျနေသဖြင့် ၀မ်းနည်းဖွယ်ရာပင် ဖြစ်နေပါတော့သည်။

NLABR
Web-site: www.nlabr.com

Facebook: Sa Maung
About these ads

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 246 other followers

%d bloggers like this: