Leave a comment

” မြန်မာ-မွတ်စလင်မ် ဆိုသော လူမျိုး နှင့် နစဗ် (အမျိုးအနွယ်) “

image

လက်ရှိအချိန်တွင် မြန်မာမွတ်စလင်မ်ကိစ္စနှင့် ပတ်သက်၍ အပြောများနေ ကြသည်။ မြန်မာမွတ်စလင်မ်၏ သမိုင်းမှာ ဟောပြောသူများရှိနေ၍ အထူး တင်ပြရန် မလိုတော့ဟု ယူစပါသည်။ ယခု ကျွန်တော် တင်ပြလိုသည်မှာ ရှရီအသ်တရား တော်အရ မြန်မာ-မွတ်စလင်မ်ဟု သန်းခေါင်းစာရင်း၌ ရေးခြင်းပိုင် မပိုင်ဆိုသည် ကိုဖြစ်ပါသည်။

စင်စစ် မြန်မာ-မွတ်စလင်မ် ဆိုသည်မှာ မျိုးနွယ်တစ်ခု၏ အမည်မဟုတ်ပါ။ ခေတ်အဆက်ဆက် ဗမာပြည်၌ နေထိုင် ခဲ့ကြသော မြန်မာနိုင်ငံသား အစ္စလာမ်ဘာသာ ဝင် လူမျိုးစု “قوم” တစ်ခုလုံးကို နေထိုင်ရာဒေသ အပေါ် အခြေခံ၍ခေါ်ဆိုသော သမိုင်းဝင် အမည်တစ်ခုဖြစ် ပါသည်။

ရှရီအသ်တရားတော်အရ လူတစ်ဦးသည် မိမိ၏ ဘိုးစင် ဘောင်ဆက်၏ အမျိုးအနွယ်ပေါ်အခြေခံ၍ ခေါ်ဆိုသော အမည် (ဝါ) နစဗ်အရ ခေါ်ဆိုသောအမည် ကို ပြောင်းပိုင် ခွင့် မရှိသော်လည်း နေထိုင်ရာ ဒေသကို အခြေခံ၍ ခေါ်ရ သော အမည်ကို မိမိနေထိုင်ရာဒေသအလိုက် ပြောင်းလဲ ခွင့် ရှိပေသည်။ ယင်းအမည် နှစ်မျိုး၏ ခြားနားချက်ကို ဥပမာပေး၍ တင်ပြရသော်  နစဗ်အရ ခေါ်တွင်သော အမည်များမှာ ပမာအားဖြင့် “အုမ်ဝီ”၊ “အဗ္ဗာစီ”၊ “အုစ်မာနီ” စသည်တို့ဖြစ်ကြလေရာ ယင်းမျိုးနွယ်ဝင်များ ကိုဖော်ပြခဲ့သည့်အတိုင်း ခေါ်ဆိုနိုင်သကဲ့သို့ ဗနူအုမိုင် ယဟ် (ဝါ)အုမိုင်ယဟ်၏ သားစဉ် မြေးဆက်များ၊ ဗနူအဗ္ဗာစ်း (ဝါ) အဗ္ဗားစ်၏ သားစဉ်မြေးဆက်များ၊ ဗနူအုစ်မာန်(ဝါ) အုစ်မာန်၏ မျိုးဆက်များဟုလည်း ခေါ်နိုင်သည်။

ထိုနစဗ်၏ အမည်များကို ပြောင်းပါက မိမိ၏မျိုးနွယ်၊ မိမိ၏ဖခင်၊ မိမိ၏သွေးကို မဟုတ်မမှန် လိမ်လည်ခြင်း ဖြစ်သောကြောင့် ဤသည်မှာ ဟရာမ် မပြုပိုင်ပေ။ သို့ရာတွင် နေရာဒေသအား အစွဲ ပြု၍ ခေါ်ဆိုသော အမည်များအား ဥပမာပေး၍ တင်ပြရသော် စူရသ်၌ နေထိုင်သူများကို စူရ်သီ၊ ဘန်ဂါလ် ပြည်နယ်၌ နေထိုင်သူများကို ဘန်ဂါလီ စသည်ဖြင့် ခေါ်ဆိုကြသည်။
ထိုစူရ်သီများကို ဗနူစူရသ် စူရသ်၏ သားစဉ်မြေးဆက်ဟု ခေါ်၍မရသလို ဘန်ဂါလီများကိုလည်း ဗနူဘန်ဂါလ် ဘန်ဂါလ်၏ သားစဉ် မြေးဆက်ဟု ခေါ်၍ မရခြင်းမှာ ယင်းအမည် များသည် နစဗ် မျိုးနွယ်နှင့် သက်ဆိုင်ခြင်း မရှိကြောင်း ထင်ရှားသည့် အထောက်အထားပင်ဖြစ်ချေ သည်။

အမျိုးအနွယ်၏ အမည်များမှ ပမာပေးရသော် စူရ်သီများ၌ လဲဟ်ရီ၊ တေလီ၊ ဘာဝါး၊ ဂျီဝါး၊ ကရ်ဝါး၊ အာရိဖ် စသည်တို့မှာ ဖခင်ဘက် ဆက်နွယ်၍ ခေါ်ရသော အမည်များဖြစ်၍ ပြောင်းခွင့်မရှိပေ။ သို့ရှိရာ စူရသ်တွင် နေထိုင်သူဖြစ်၍ စူရ်သီ ဟုခေါ်ရပါက ဗမာပြည်၌ မွေးဖွား ကြီးပြင်း နေထိုင်သူများမှာ ရာနှုန်းပြည့် ဗရ်မီဖြစ် ကြောင်းလက်ခံ ရပေမည်

သို့ရာတွင် ဤနေရာ၌ ဗမာမှ မြန်မာသို့ ပြောင်းလဲလာ သည့်အတွက် မိမိကိုယ်ကို မြန်မာ ဟူသော အမည် ဖြည့်ရပါမည်။ ကိုယ်းကွယ်သည့်ဘာသာ အစ္စလာမ်ဖြစ်သည့်အတွက် အစ္စလာမ်ဘာသာကိုယ်းကွယ်သူကို မွတ်စလင်မ်လို့ ခေါ်ပါသည်။ ထိုအတွက်ကြောင့် မြန်မာ-မွတ်စလင်မ်သာလျှင်ဖြစ်ပေသည်။

ထပ်လောင်း၍ ပြောချင်သည်မှာ မုဖ်သီသကီး အုစ်မာနီ ဆွာဟိဗ်ကိုကြည့်ပါ။ နစဗ် မျိုးနွယ်အရ အုစ်မာနီ ဖြစ်၍ လူမျိုးနှင့် နိုင်ငံသားဖြစ်ခြင်း အရ ပါကစ္စတာနီဖြစ်ပါသည်။ နစဗ် မျိုးနွယ် အရအုစ်မာနီ ဖြစ်ခြင်းနှင့် လူမျိုး နှင့် နိုင်ငံသား ဖြစ်ခြင်းအရ ပါကစ္စတာနီ ဖြစ်ခြင်းမှာ သီခြား စီဖြစ်ပါသည်။ ထိုနည်းတူစွာ မြန်မာနိုင်ငံသားများ၏ နစဗ်အရ ဆိုင်ယိဒ် အနွယ်ဝင်ဖြစ်သူသည်လည်း လူမျိုးနှင့် နိုင်ငံသားအရ မြန်မာ-မွတ်စလင်မ် အဖြစ်ခံယူခွင့်ရှိပေသည်။

အိန္ဒိယ၊ ပါကစ္စတာန်၌ ပညာသင်ဖူးသော ကျောင်း သားများသိပါသည်။ ၎င်းကျောင်းသားများအား ဆရာကြီးများကအစ ဗရ်မီသို့မဟုတ် ရန်ဂူနီ ဟုသာ ခေါ်ကြပါသည်။ မည်သူကမျှ ထိုဗမာပြည်မှ ကျောင်းသားများအား စူရ်သီ၊ ဘန်ဂါလီ၊ ဟင်ဒုစ်သာနီ၊ ပသီ ဟု မခေါ်ကြပါ။

ထို့ကြောင့် ကျွန်ုပ်တို့သည် နစဗ် မျိုးနွယ်အရ မည်သည့်အနွယ်ဝင်ပင် ဖြစ်ပါစေ မိမိ နေထိုင်သည့် ဒေသကို အစွဲ ပြု၍ လူမျိုးနေရာ ၌ “မြန်မာမွတ်စလင်မ်” ဟုဖြည်စွက်ရေးသား ခြင်းမှာ ရှရီအသ်တရားတော်အရ ‘ဂျာအိဇ်’ ရေးပိုင်ခွင့်ရှိကြောင်း တင်ပြအပ်ပါသည်။
ပါကစ္စတာန်နိုင်ငံရှိ ဒါရွလ်အုလူမ် ကရာချီ၌ ဟဇရသ် မော်လာနာ အဗ္ဗဒွလ္လာဟ် ဗရ်မီး ဆိုသောဟဒီစ်းကျမ်းပြ ဆရာကြီးတစ်ဦး သက်ရှိထင်ရှား ရှိနေပါသေးသည်။ ထိုဆရာကြီး တို့မိသားစုမှာ ရခိုင်ပြည်နယ်မှ ပြောင်း ရွှေ့သွားသောကြောင့် ပါကစ္စတာန် နိုင်ငံသားဖြစ်သွား သော်လည်း ဗမာပြည်ကို ချစ်ခင်မြတ်နိုးလွန်း သော ကြောင့် ယနေ့ ထက်တိုင် မိမိ၏ အမည်၌ ဗရ်မီဟူ၍ တပ်ထားသည်ကိုလည်း သိစေချင်သောကြောင့် တင်ပြလိုက်ရပါသည်။

နိဂုံးချုပ်အနေဖြင့် တင်ပြရသော် ကျွန်ုပ်တို့ မြန်မာမွတ်စ်လင်များသည် ယခုကဲ့သို့ တစ်မျိုးသားလုံးအတွက် အရေးကြီးသောအချိန်တွင် ကိစ္စတစ်ခုအား စူးစမ်းလေ့လာခြင်း မရှိဘဲအလောတ ကြီးမဆုံးဖြတ်သင့်ပေ။

ထိုနည်းတူစွာ အချင်းချင်း ပုတ်ခပ်ရေးသားခြင်းနှင့် ပုဂ္ဂိုလ် ရေးဆန်သော အရေးအသားများ ရေးသားတင်ပြခြင်း၊ အမျိုးသားရေး တစ်ခုတည်းကိုသာ ဦးတည်၍ ရှရီအသ် တရားတော်ကို ဥပေက္ခာပြုခြင်းတို့သည်လည်း မပြုအပ်ကြောင်း စေတနာ အရင်းခံဖြင့် အကြံပြုတင်ပြ အပ်ပါသည်။

သိန်းဝင်းထွန်း(မဟ်မူဒီ) | အလင်းမျက်ဝန်း

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: