Leave a comment

၁၁၅ နှစ်ကျော်သက်တမ်းရှိ သမိုင်းဝင်ဂုတ်ထိပ်တံတား

image

မြန်ဂုဏ်ဆောင်

ရှမ်းပြည်နယ် (မြောက်ပိုင်း) နောင်ချိုမြို့အနီးရှိ ဂုတ်ထိပ် တံတား (Goteik Viaduct) သည် ရှေးအကျဆုံး သက်တမ်း ၁၁၅ နှစ်ရှိသော တောင်ကြား ဖြတ် မီးရထား လမ်း တံတားဖြစ်သည်။ မန္တလေး-လားရှိုး သွားလမ်း နောင်ချိုဘူတာ အလွန် ခုနစ်မိုင်အကွာတွင် တည်ရှိပြီး ပြင်ဦးလွင်နှင့် လားရှိုးမြို့နှစ်မြို့ကြား တံတားဖြစ်သည်။

The World Largest Trestle မြင်းခုံးတံတား ဖြစ်ပြီး Trestle စတီး သံမဏိသံချောင်းများဖြင့် ထောက်ခံ တည်ဆောက်ထားသော တံတားဖြစ်သည်။ အင်္ဂလိပ်အင်ဂျင်နီယာ ဆာအာသာရန်ဒယ်က စတာလင် ပေါင် ၁၁ဝဝဝဝ အကုန်အကျခံ၍ သံမဏိတိုင် ၁၆ တိုင်၊ ပေအရှည် ၂၂၆ဝ ကို ၁၈၉၉ ခုနှစ်တွင် စတင်တည် ဆောက်ခဲ့ရာ ၁၉ဝဝ ပြည့်နှစ်တွင် အပြီးသတ်နိုင်ခဲ့ပြီး ၁၉ဝ၃ ခုနှစ်မှ စတင်အသုံးပြုနိုင်ခဲ့သည်။

ကမ္ဘာပေါ်တွင် အမြင့်မားဆုံးရထား လမ်းဖြစ်လာမည့် ဂုတ်ထိပ်တံတားကို တာဝန်ယူတည်ဆောက်ရန် ဗြိတိသျှ အစိုးရက အမေရိကန်နိုင်ငံ ပင်ဆဲလ် ဗေးနီးယားနှင့် မေရီလန်းစတီးကုမ္ပဏီ တို့ကိုငှားရမ်းခဲ့သည်။ သို့ရာတွင် တံတားကြီးကို ဦးစီးတည်ဆောက်သူမှာ မြန်မာ့မီးရထား ဌာနမှ အင်ဂျင် နီယာ Sir Arthur Rendel နှင့် ဗြိတိသျှ၊ မြန်မာအင်ဂျင်နီယာများ သာဖြစ်သည်။ တံတားအတွက် အသုံးပြုသောပစ္စည်းကို အမေရိကန် နိုင်ငံ မှ တိုက်ရိုက်မှာယူတင်သွင်းခဲ့သည်။ ဂုတ်ထိပ်တံတားကြီး၏ ပုံစံဒီဇိုင်းကို ဗြိတိန်နိုင်ငံမှ ဆာအေအမ်ရင်းဒဲလ်အင် ကုမ္ပဏီက ရေးဆွဲခဲ့သည်။

တံတားကြီးကို ထောက်ပင့်ထားသော သံတိုင်များအနက် အမြင့်ဆုံးတိုင် သည် ပေ ၈၂ဝ မြင့်၍ အနိမ့်ဆုံးသံတိုင်မှာ ၄၅ ပေ မြင့်သည်။ ဂုတ်ထိပ်တံတားကြီး၏ ထူးခြားမှု ဝိသေသ မှာ အခြားသောတံတား ကြီးများကဲ့သို့ မြစ်၊ ချောင်းများကိုဖြတ်ကျော်တည်ဆောက်ထားခြင်းမဟုတ်ဘဲ လျှိုကြီးနှစ်ခုကို ဖြတ်သန်းတည်ဆောက် ထားခြင်း သာဖြစ်သည်။ တံတားတစ်ခုလုံး သံ၊ သံမဏိ ၄၃၁၁တန်၊ သံမှိုပေါင်း တစ်သန်း၊ ပေါင်ချိန် တန် ၁၁၃၂ဝဝ အသုံးပြုထားသည်။ တံတားတိုင်ပေါင်း ၁၆ တိုင်ဖြစ်ရာ တံတားကြီး၏ အလယ်တိုင်များအနက် တံတားတိုင် အမှတ် (၈)နှင့် (၉)တို့က အမြင့်ဆုံး ဖြစ်သည်။

အဆိုပါဂုတ်ထိပ်တံတားကြီးသည် ဒုတိယကမ္ဘာ စစ် ကာလ အတွင်း မဟာမိတ်တို့၏ မြေလှန်စနစ်ကြောင့် ဖျက်ဆီးခြင်းခံခဲ့ရပြီး တိုင်အမှတ် (၂)နှင့် (၅)တို့ ပျက်စီးသွားခဲ့သည်။ မြန်မာနိုင်ငံမှ ဖက်ဆစ်ဂျပန်တို့က ပြန်လည် ဆုတ်ခွာချိန်တွင် ဂုတ်ထိပ်တံတား၏ အမြင့်ဆုံး တိုင်များဖြစ်သော တံတားအလယ်တိုင် လေးတိုင် ကို ဗုံးခွဲဖျက်ဆီးခဲ့သည်။ တိုင်အမှတ် (၁၁) က အောက် ခြေပြတ် ခဲ့ပြီး တိုင်အမှတ် (၁ဝ) နှင့် (၁၂)တို့မှာ ပြိုလဲ ပျက်စီးခဲ့ရသည်။ ထိုတိုင်များပေါ်တွင် တပ်ဆင်ထား သော ပေ ၁၂ဝ စီရှည်သည့် ပေါင်းကူးတံတား သံပေါင် လေးခု လည်း မြေခခဲ့ရသည်။

၁၉၄၈ ခုနှစ် မြန်မာနိုင်ငံ လွတ်လပ်ရေးရပြီးနောက် ပျက်စီးနေသော ဂုတ်ထိပ်တံတားကြီးကို မြန်မာ့မီး ရထားဌာနက ပြန်လည်ပြင်ဆင်ခဲ့သည်။ ၁၉၄၈ ခုနှစ် မေလမှစတင်၍ ဂုတ်ထိပ်တံတား ပြန်လည်ပြင်ဆင်မှု လုပ်ငန်းကို ဆောင်ရွက်ခဲ့ရာ ပစ္စည်းရှားပါးမှု၊ လမ်းပန်း ဆက်သွယ်ရေး ခက်ခဲမှုတို့ကြောင့် ၁၉၅၃ ခုနှစ် သြဂုတ်လ တွင် ပြန်လည်ပြင်ဆင်မှု လုပ်ငန်းများ ပြီးစီးနိုင်ခဲ့သည်။ ဂုတ်ထိပ်တံတား ပြန်လည်ပြင်ဆင်မှု အတွက် နိုင်ငံတော်မှ ငွေကျပ် ၃၂ သိန်း ကုန်ကျခဲ့သည်။

တံတားကို ရှမ်းဘာသာဖြင့် ‘ငုပ်ထိပ်’မှ ‘ဂုတ်ထိပ်’တံတား ဟူ၍ အမည်တွင်လာသည်။ သီပေါမြို့နယ်တွင် ဟိုကွက် အမည်ဖြင့် ရွာတစ်ရွာရှိရာ ဟိုကွက် ဟူသောအမည်သည် ထိုနေရာတွင် မြစ်ချောင်းများ ငုပ်လျှိုးကွယ်ပျောက်သွား သည်ကိုအစွဲပြု၍ ခေါ်ဆိုသည်။ ထိုဟိုကွက်ကျေးရွာအနီးတွင် နမ်းပဆေးမြစ်သည် မြေကြီးထဲသို့ ငုပ်လျှိုးသွားပြီး အခြားတစ်နေရာရောက်မှ မြစ်ကြောင်း ပြန်ပေါ်လာသဖြင့် နမ်းပဆေးမြစ် ငုပ်သွား သည့် ထိပ်နေရာဟူ၍ရည်ရွယ်သော ထိုနေရာကို ငုပ်ထိပ်ကျေးရွာဟုခေါ်ဆိုခဲ့သည်။ ကာလရွေ့လျားလာသောအခါ ‘ငုပ်ထိပ်’မှ ‘ဂုတ်ထိပ်’ဖြစ် လာ သည်ဟူ၍ မြန်မာ့စွယ်စုံကျမ်း အတွဲ (၃) တွင် ရည်ညွှန်းထားသည်။

တံတားတည်ဆောက်မှုနည်းပညာအဆင့်မြင့်မှု၊ သဘာဝပတ်ဝန်းကျင် လှပမှုတို့ကြောင့် ခေတ် အဆက်ဆက် ထင်ရှားကျော်ကြားသောတံတားဖြစ်ပြီး ကမ္ဘာ့အံ့ဖွယ်စာရင်းတွင် ပါဝင်လာသည်။ အမိမြန်မာပြည်အတွက် အမြင့်ဆုံးတံတား၊ ကမ္ဘာ့ အကြီးဆုံး မီးရထားသံလမ်းတံတားဖြစ်ပြီး သံလမ်း တံတား၊ မြင်းခုံတံတားဟူ၍ မှတ်ကျောက်တင် ခေါ်ဆိုနေကြ ဆဲဖြစ်သည်။ ခေတ်အဆက်ဆက်က ပျက်စီးယိုယွင်းမှုများကို ထိန်းသိမ်းလာခြင်းကြောင့် ယနေ့တိုင် တည်ရှိပြီး ကမ္ဘာလှည့်ခရီးသည်များ စိတ်ဝင်စားသောနေရာတစ်ခုအဖြစ် တည်ရှိနေသည်။

‘ဂုတ်ထိပ်တံတားကို ကားလမ်းလည်းပေါက်လာ တယ်။ နောက်လာတဲ့ လူ တွေလည်း များများလာတော့ သံလမ်းပြေးယာဉ်တွေ အဆင့်မြှင့်ပြေးဆွဲဖို့တင်ဒါ ခေါ်မယ်။ တင်ဒါကုမ္ပဏီရွေးချယ်ပြီးရင် လုပ်ငန်း စလုပ်ဖြစ် မယ်။ အချိန်ကိုတော့ ဧပြီလထဲမှာ မှန်းထား တယ်’ဟု ၎င်းက ဆိုသည်။

‘ကျွန်တော်တို့တာဝန်ရှိတဲ့သူတွေတောင် ဂုတ်ထိပ်တံတား အပေါ် တံတားကြံ့ခိုင်ရေးစစ်ဆေးရင် သံလမ်းပြေးကားနဲ့ သွားတယ်။ အန္တရာယ်များလွန်းလို့ တံတားပေါ်မှာ လူလျှောက်လမ်းမရှိလို့ ဟိုဘက် ဒီဘက် ရထားထွက် လာရင် ပြေးစရာမြေမရှိဘူး။ ဒါကြောင့် ခရီးသည်တွေကြည့်ရှုဖို့ ခွင့်ပြုထားတဲ့ သံလမ်း ပြေး (RGC) နဲ့ (RBE) ခရီးသည် ၅ဝ စီးနိုင်တဲ့ ကားရထား ယာဉ်အမျိုး အစားကိုပြေးဆွဲပြီး ခရီးသည်တစ်ဦးကို ငါးထောင်နှုန်း နဲ့ တစ်ရက်ကို နှစ်ကြိမ် ခေါက်တို အသွား၊ အပြန်ဆွဲပေးနေတယ်’ဟူ၍ ဆက်လက်ပြောသည်။

ဂုတ်ထိပ်တံတားကို ဖြတ်သန်းကြည့်ရှုသူများက ရုံးဖွင့်ရက် တွင် လူဦးရေ ၂ဝဝ မှ ၅ဝဝ ခန့်သာရှိပြီး ရုံးပိတ်ရက်များတွင် လူ ၈ဝဝ မှ ၁ဝဝဝ ခန့် လာရောက် လည်ပတ်ကြကြောင်း မန္တလေးတိုင်း ဒေသကြီးတာဝန်ခံ (သွားလာရေး)က ပြောသည်။ ကမ္ဘာကျော် ဂုတ်ထိပ်တံတားပေါ် အထူးအစီအစဉ် ဖြင့် လူ ၂ဝ ဆံ့ RGC-110 ယာဉ်ဖြင့် ပထမဆုံးပြေးဆွဲ မည်ဟု သိရသည်။ သံလမ်းပြုပြင်ရာတွင်အသုံးပြုသော RGC-110 တွဲပေါ်တွင် ဖိုက်ဘာထိုင်ခုံ တပ်ဆင်၍ ဂုတ်ထိပ်တံတားဝန်းကျင်ရှိ ရှုခင်းအလှများ အလွယ်တကူ ကြည့်ရှုလေ့လာခြင်း၊ မှတ်တမ်းဓာတ်ပုံ ရိုက်ခြင်းတို့ပြု လုပ်နိုင်ရန် စင်းလုံးငှားစနစ်ဖြင့် ပြေးဆွဲ မည်ဖြစ်သည်။ ရထားတွဲ RGC-110 ကို အကာအရံများဖြင့် လုံခြုံ စွာပြုလုပ်ထားပြီး လမ်းစနစ်၊ ဘရိတ်စနစ်ကိုလည်း ကြံ့ခိုင်ကောင်းမွန်အောင် ဆောင်ရွက်ထားသည်။

ယနေ့ပြောင်းလဲလာသောခေတ်အချိန်ကာလတွင် နိုင်ငံတကာကမ္ဘာလှည့် ဧည့်သည် ရွှေဧည့်သည်များ ဝင်ရောက်မှုမြင့်မားသည်နှင့်အတူ ဂုတ်ထိပ်တံတား ဝန်ဆောင်မှုလုပ်ငန်းကို တိုးချဲ့ဆောင်ရွက် သွားရန် မြန်မာ့မီးရထားရုံးချုပ် စီးပွားရေးဌာနမှ ဆောင်ရွက် သွားမည်။

အဆင့်မြင့်ဝန်ဆောင်မှုပြုလုပ်ရာတွင် သံလမ်းပြေး ယာဉ်နှင့် အမျိုးအစားအတွက် ပုဂ္ဂလိက ကုမ္ပဏီများကို တင်ဒါခေါ်ယူသွားမည်ဖြစ်သည်။ ဂုတ်ထိပ်တံတားကြံ့ခိုင်မှုအပိုင်းတွင်လည်း လက်ရှိအနေ အထားထက် ပိုမိုကြံ့ခိုင်မှု ရှိအောင် ဆောင်ရွက်ပြီး ၂ဝ၁၆ ခုနှစ် ဧပြီလ နှစ်သစ်ကူးချိန်တွင် လုပ်ငန်း စတင်ရန် ရည်မှန်းထားကြောင်း မြန်မာ့မီးရထားရုံးချုပ် စီးပွား ရေးဌာန တာဝန်ခံ ဦးကျော်ကျော်မျိုးက ညွှန်းဆိုသည်။

‘တံတားပေါ် လမ်းလျှောက်ခွင့်ကိုတော့ ပိတ်ထားတယ်။ ထိပ်နားကနေ လေ့လာခွင့်ပေးထားတယ်။ နိုင်ငံခြားသားတွေအတွက် သီးသန့်ပြေးဆွဲပေးဖို့ တိုင်းအမှတ် (၃) မန္တလေးမြို့ မြန်မာ့မီးရထားနဲ့ ချိတ်ဆက်ဆောင်ရွက်နိုင်ပါတယ်’ဟု ရထားပို့ဆောင်ရေး ဝန်ကြီး ဌာန မြန်မာ့မီးရထားတိုင်း (၇)သွားလာရေး မန်နေဂျာ ဦးကျော်စိုးလင်းက ပြောသည်။

မန္တလေးတိုင်းဒေသကြီး ပြင်ဦးလွင်ဘူတာမှ နံနက် ၈ နာရီတွင် ထွက်ခွာသော မီးရထားသည် ပွဲကောက်၊ ဝက်ဝံဘူတာများတွင် ရပ်နားပြီး နောင်ချို ဘူတာသို့ နံနက် ၁ဝ နာရီခွဲတွင် ရောက်ရှိသည်။ ရထားပေါ်မှာ လိုက်ပါလာကြသော ကမ္ဘာလှည့်ဧည့်သည်များ၊ နိုင်ငံခြားရွှေဧည့်သည်များက ရထားသံလမ်း တစ်လျှောက် တောတောင်စိမ့်စမ်းများကို ဖြတ်ကျော်၍ ရထားသံလမ်းဘေး တစ်ဖက်တစ်ချက်က သဘာဝရှုခင်းအလှကို မြင်တွေ့ကြရသည်။ ဓာတ်ပုံ မှတ်တမ်း ရယူကြသည်။ တောင်ဆင်းတောင်တက် အကွေ့အကောက် တွင် မောင်းနှင်နေသော မော်တော်ယာဉ်များကိုလည်း ရံဖန်ရံခါမြင်တွေ့ကြ ရသည်။

နောင်ချိုမှထွက်ပြီး (၇)မိုင်အလွန် မိုင်တိုင်အမှတ် (၄၆၃/ဝ၉)အရောက်တွင် ရင်သပ်ရှုမောဖွယ် မိုးပြာရောင် ကောင်း ကင်အောက်မှ ဂုတ်ထိပ်တံတား ရှည်ကြီးကို မြင်တွေ့ကြရသည်။ လှပသောတောင်တန်းစိမ်းကြီး မြိုင်ကြီးကြား လေထဲတွင် လွင့်နေဘိအလား ထင်မှတ်မှား ရသော ဂုတ်ထိပ်တံတားရှည်ကြီးကို အဝေးကပင် မြင်နိုင်သည်။ ဂုတ်ထိပ်တံတားပေါ် အနီးကပ်မြင်ကွင်း အလှက ရင်မောရင်ဖို သည်းထိတ်စရာပင်။

လားရှိုးမြို့မှ အဆန်ရထားက နောင်ပိန်ဘူတာသို့ မွန်းလွဲ ၁၂ နာရီခွဲတွင် ဆိုက်ရောက်သည်။ နောင်ပိန်ဘူတာရပ်စခန်းတွင် နိုင်ငံခြားရွှေဧည့်သည်များ ဆင်း၍လေ့လာကြသည်။ ရှမ်းပြည်နယ်ကျေးလက် မြင်ကွင်းများကို မှတ်တမ်း ဓာတ်ပုံရိုက်ကြသည်။ နောင်ပိန်ဘူတာရပ်စခန်းတွင် လားရှိုး-မန္တလေးအစုန် အမှတ် (၁၃၂) ရထားဖြင့်ဆုံကြသည်။ ရထားပေါ်မှ ဂုတ်ထိပ်တံတားအလှကို ကြည့်ရှုမျက်စိအရသာ ခံစားလိုကြသော ခရီးသည် ရွှေဧည့်သည်တို့နှင့် ဆုံကြ ပြန်သည်။ ပြင်ဦးလွင်၊ မန္တလေးခရီးသွား နိုင်ငံခြားသား ဧည့် သည်များ ကား ကျောက်မဲ၊ သီပေါ၊ လားရှိုး နိုင်ငံခြားသားဧည့်သည် များနှင့် နောင်ပိန် ဘူတာတွင် ဆုံ၍ ချစ်ကြည်ရင်းနှီးမှုရယူကြသည်။ နောင်ချိုဘူတာ မှ နောင်ပိန်ဘူတာထိ ၁၆ မိုင်အကွာကို ရထားခုတ်မောင်း ချိန် ၁ နာရီ ၁၅ မိနစ်ကြာမြင့်သည်။ ဂုတ်ထိပ်တံတားတစ်ဖက်တစ်ချက်တွင် ရထားကို ၁ဝ မိနစ်စီရပ်နားပြီး ရှုခင်းအလှကို ခံစားစေသည်။

ဂုတ်ထိပ်တံတားရှည်ကြီးပေါ် မြန်မာ့မီးရထားဖြတ်စဉ် အရှိန်လျှော့ ၍ ဖြည်းညင်းစွာ ခုတ်မောင်းလာရာ လိုက်ပါလာသောခရီးသည်များအတွက် ကြည်နူးပျော် မဆုံးကြပါ။ ပတ်ဝန်းကျင်အလှနှင့် မိခင်မြန်မာပြည်၏ အလှတရားကို ရင်ဝယ်ပိုက်ထွေးခံစားခွင့်ရ၍ မြန်မာပြည် မှာမွေး၊ မြန်မာပြည်မှာကြီးပြင်းပြီး မြန်မာဖြစ်ရခြင်းကိုပင် ဂုဏ်ယူပင့်သက်ဖြာမိကြသည်။

ပြည်ပနိုင်ငံခြားသားများက Goteik Viaduct တံတား၊ ငုပ်ထိပ် တံတား၊ မြင်းခုံတံတားဟူ၍ သိရှိကြပြီး ကမ္ဘာ သိဂုတ်ထိပ်တံတား၏ အလှသည် မြန်မာပြည်၏ စစ်ဘေးစစ်ဒဏ်ကို ခံခဲ့ရသည်။ ကမ္ဘာစစ်၏ ပထမ၊ ဒုတိယ နှစ်ကြိမ် ကိုလည်း ကျော်လွှားခဲ့ရသည်။

စစ်ဘေးဒဏ်ခံနိုင်ခဲ့သော ပျဉ်းမငုတ်တိုပမာ ဂုတ်ထိပ် တံတားကြီး ကား နှစ်ရာချီမှသည် နှစ်ထောင်ချီသည့်တိုင် အစဉ် တည်တံ့ပြီး မြန်မာ တိုင်းရင်းသား သွေးချင်းတို့၏ ခိုင်မြဲသော ပြည်ထောင်စုစိတ်ဓာတ်နှင့် စည်းလုံး ညီညွတ်မှု ကို ဖော်ဆောင်နေမည်သာဖြစ်သည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: