Leave a comment

ယန်ဟီလီ နေရာတွင် လူစားထိုး ခန့်အပ်ဖို့ မြန်မာအမြဲတမ်း ကိုယ်စားလှယ် သံအမတ်ကြီး တောင်းဆို ᠌᠌᠌

image

image

ရန်ကုန်၊ မတ် – ၁၄

မြန်မာနိုင်ငံ၏ အခြေအနေ၊ မြေပြင်အခြေအနေနှင့် ကိုက်ညီသည့် မည်သည့်အစီအစဉ် (သို့မဟုတ်) ယန္တရားနှင့်မဆို ပူးပေါင်းဆောင်ရွက်ရန် အသင့်ရှိပြီး မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီရင်ခံစာတင်သွင်းသူ မစ္စယန်ဟီလီ နေရာမှာ လူစားထိုးခန့်အပ်ပေးဖို့ မြန်မာအမြဲတမ်းကိုယ်စားလှယ် သံအမတ်ကြီး ဦးထင်လင်း က ဆွစ်ဇာလန်နိုင်ငံ ဂျီနီဗာမြို့မှာ ကျင်းပနေတဲ့ (၃၇) ကြိမ်မြောက် လူ့အခွင့်အရေးကောင်စီရဲ့ ပုံမှန်အစည်းအဝေးမှာ တောင်းဆိုခဲ့ပါတယ်။

ဆွစ်ဇာလန်နိုင်ငံ ဂျီနီဗာမြို့မှာ ကျင်းပနေတဲ့ (၃၇) ကြိမ်မြောက် လူ့အခွင့်အရေးကောင်စီရဲ့ ပုံမှန်အစည်းအဝေး မတ်လ ၁၂ ရက်နေ့က ပြုလုပ်တဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ ခေါင်းစဉ်ဖြင့် အပြန်အလှန် ဆွေးနွေးပွဲမှာ သံအမတ်ကြီး ဦးထင်လင်း က “မစ္စယန်ဟီလီ ၏ မြန်မာနိုင်ငံသို့ ခရီးစဉ်ကို ခြောက်ကြိမ်တိုင်တိုင် စီစဉ်လက်ခံပေးခဲ့ပြီး မစ္စယန်ဟီလီ နှင့် အကောင်းဆုံးပူးပေါင်းဆောင်ရွက်မှုများ ပြုလုပ်ခဲ့သော်လည်း ပြီးခဲ့သည့် ဇူလိုင်လက မြန်မာနိုင်ငံ ခရီးစဉ်အပြီး ထုတ်ပြန်သည့် ထုတ်ပြန်ချက်သည် စွပ်စွဲချက်နှင့် အတည်မပြုရသေးသည့် အချက်အလက်များကို အသားပေးဖော်ပြထားပြီး သမာသမတ်နှင့် ဓမ္မဓိဋ္ဌာန်ကျခြင်း မရှိကြောင်း၊ ထို့ပြင် အကြမ်းဖက် တိုက်ခိုက်မှုများနှင့် အစိုးရပိုင်း၏ ရှင်းလင်းပြောကြားမှုများကို ထည့်သွင်းဖော်ပြရန် ပျက်ကွက်ခဲ့ကြောင်း၊ ၎င်းအနေဖြင့် ကျင့်ဝတ်စည်းကမ်းအပေါ်မလိုက်နာခြင်းသည် ၎င်းအား ပြည်သူများမှ မနှစ်သက်သည့် အချက်ပင်ဖြစ်ကြောင်း၊ အဆိုပါကိစ္စနှင့် ပတ်သက်၍ လွှတ်တော်အတွင်း အကြိတ်အနယ် ဆွေးနွေးခဲ့ကြပြီးနောက် မစ္စယန်ဟီလီ နှင့် ဆက်လက်ပူးပေါင်းဆောင်ရွက်ခြင်းသည် အကျိုးရှိနိုင်မည် မဟုတ်ဟု ပြည်သူများနှင့် အစိုးရက သဘောရခဲ့တယ်” လို့  ပြောကြားခဲ့ပါတယ်။

မြန်မာ့ခေါင်းဆောင်နှင့် အစိုးရအနေဖြင့် ယင်းသို့သော ပြစ်မှုများကို မည်သည့်အခါမှ ခွင့်လွှတ်သည်းခံမည် မဟုတ်သလို တိကျခိုင်မာသည့် အထောက်အထားရှိပါက မြန်မာနိုင်ငံအနေဖြင့် အရေးယူရန် အဆင်သင့်ရှိကြောင်း၊ အင်းဒင်ဖြစ်စဉ်နှင့် ပတ်သက်၍ လုပ်ထုံးလုပ်နည်းနှင့် စည်းမျဉ်းများကို ချိုးဖောက်ခဲ့သည့် တပ်မတော်နှင့် လုံခြုံရေး တပ်ဖွဲ့ဝင်များနှင့် ရွာသားများကို ဥပဒေအရ အရေးယူဆောင်ရွက်လျက်ရှိကြောင်းနှင့် တာဝန်ခံမှုရှိခြင်းအတွက် အပြုသဘောဆောင်သည့် ခြေလှမ်းတစ်ရပ်ပင် ဖြစ်တယ်လို့ သံအမတ်ကြီး ဦးထင်လင်း က ဆက်လက်ပြောကြားခဲ့ပါတယ်။

နိုင်ငံအချို့က မျှတမှုနည်းသည့် ချဉ်းကပ်မှုမျိုးကြောင့် မြန်မာနိုင်ငံအပေါ် နိုင်ငံတကာ၏ အမြင်နှင့် သဘောထားပုံစံ ပြောင်းလဲသွားခဲ့ပြီး နောက်ဆုံးတွင် သမိုင်းက ဆုံးဖြတ်ပေးမှာ ဖြစ်တယ်လို့လည်း သံအမတ်ကြီး ဦးထင်လင်း
က ထပ်လောင်းပြောဆိုခဲ့ပါတယ်။

အဆိုပါ မြန်မာနိုင်ငံ လူ့အခွင့်အရေး အခြေအနေဆိုင်ရာ ဆွေးနွေးပွဲမှာ မစ္စယန်ဟီလီ က အစီရင်ခံစာ တင်သွင်းခဲ့ပြီး ရခိုင်ပြည်နယ် မြောက်ပိုင်းမှာ ဖြစ်ပျက်ခဲ့တဲ့ အခြေအနေတွေနဲ့ ပတ်သက်လို့ လိုအပ်သလို အရေးယူဆောင်ရွက်ဖို့ တောင်းဆိုခဲ့သလို မြန်မာနိုင်ငံဆိုင်ရာ လွတ်လပ်တဲ့ နိုင်ငံတကာ အချက်အလက်ရှာဖွေရေး အဖွဲ့ကလည်း ယင်းဆွေးနွေးပွဲမှာ နှုတ်နဲ့ အစီရင်ခံစာတင်သွင်းသွားခဲ့ပါတယ်။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စယန်ဟီလီ ကို လာရောက်သည့် အချိန်ကာလတစ်လျှောက်လုံး ရခိုင် မြောက်ပိုင်းကိုသာ ဇောင်းပေးလုပ်ကိုင်ခဲ့ပြီး  မြန်မာနိုင်ငံနှင့် ပတ်သက်၍ အပြုသဘောမဆောင်သော ပြောဆိုချက်၊ ဘက်လိုက်သော အစီရင်ခံမှုများနှင့် ဒေသခံလူမှုရေးအဖွဲ့များနှင့် ဆက်ဆံရာတွင် ကျင့်ဝတ်နှင့်မညီသော ဆိုးရွားမှုများကြောင့် လာရောက်သည့် အကြိမ်တိုင်းနီးပါး ဆန္ဒထုတ်ဖော်မှုများရှိခဲ့ကာ ပြီးခဲ့တဲ့ ၂၀၁၇ ခုနှစ် ဒီဇင်ဘာလ ၂၀ ရက်နေ့ကစကာ ပြည်ဝင်ခွင့်ကို ပိတ်ပင်ခဲ့တာ ဖြစ်ပါတယ်။

ပြေသိမ်း
Opinion Leader

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: