Leave a comment

ရိုဟင်ဂျာတွေ အပေါ် လူ့အခွင့်အရေး ချိုးဖောက်မှု ထိရောက်စွာ အရေးယူဖို့ မြန်မာ အစိုးရ ပျက်ကွက်

image

ရခိုင်ပြည်နယ် မြောက်ပိုင်းမှာ ရိုဟင်ဂျာ တွေ အပေါ် ကြီးမားပြင်းထန် တဲ့ လူ့အခွင့်အရေး ချိုးဖောက်မှုတွေကို မြန်မာစစ်တပ်က ကျူးလွန်ခဲ့တယ် ဆိုတဲ့ စွပ်စွဲချက်တွေ အတွက် မြန်မာ စစ်အရာရှိတွေကို စုံစမ်းစစ်ဆေး အရေးယူဖို့ မြန်မာ အစိုးရ ဘက်က ပျက်ကွက်နေဆဲ ဖြစ်ကြောင်း လူ့အခွင့်အရေး ဆိုင်ရာ ကုလသမဂ္ဂ မဟာမင်းကြီး Michelle Bachelet က ဗုဒ္ဓဟူးနေ့က ပြောကြား လိုက်ပါတယ်။

“ကျမတို့ရဲ့ အစီရင်ခံစာ အရ မြန်မာ အစိုးရဘက်က တိုးတက်မှုတွေ လုပ်ဆောင်ခဲ့တယ် ဆိုတဲ့ နေရာမှာ သူတို့ ကိုယ်တိုင် သတ်မှတ်ခဲ့တဲ့ လူ့အခွင့်အရေး ဆိုင်ရာ ဦးစားပေး လုပ်ဆောင်မယ့် အဓိက နေရာ ငါးနေရာကတော့ နိုင်ငံသားဖြစ်ခွင့်၊ လူမှုရေးဆိုင်ရာ ကိစ္စရပ်တွေမှာ ပါဝင်ခွင့်၊ အခြေခံ အခွင့်အရေးနဲ့ လွတ်လပ်ခွင့်၊ ဒုက္ခသည်တွေ နေရပ်ပြန်ခွင့်နဲ့တာဝန်ယူမှု၊ တာဝန်ခံမှု စတာတွေဖြစ်ပါတယ်။

အကြံပေးချက် တချို့ အထူးသဖြင့် ရခိုင်ပြည်နယ်နဲ့ ပတ်သက်လို့ ကိုဖီအာနန် အကြံပေး ကော်မရှင်ရဲ့ အကြံပြုချက် တချို့ကို မြန်မာအစိုးရ ဘက်က ကနဦး စတင်ဆောင်ရွက် ခဲ့ပေမယ့် ပြဿနာ အရင်းအမြစ်ကို ဖြေရှင်းဖို့ အကြံပြုထားတဲ့ အချက် အများစုကိုတော့ အကောင်အထည် ဖေါ်နိုင်ခြင်း မရှိသေးဘူး ဆိုတာကို ကျမတို့ အစီရင်ခံစာမှာ အဓိက အသားပေး ဖေါ်ပြ ထားပါတယ်။”

ဒါ့အပြင် အရင်နှစ်က အစီရင်ခံစာမှာ ထောက်ပြထားတဲ့ လူအခွင့်အရေး ဆိုင်ရာ စိုးရိမ်မှုတွေနဲ့ ပတ်သက်ပြီး မြန်မာနိုင်ငံမှာ သိသာပြောင်းလဲတဲ့ တိုးတက်မှုတွေ မရှိဘူးလို့ Michelle Bachelet ကပြောပါတယ်။

“OHCHR ခွင့်ပြုဖို့ သဘောတူညီချက် မရတာ၊ လူ့အခွင့်အရေး ကောင်စီက ဖွဲ့စည်းထားတဲ့ နိုင်ငံတကာ လွတ်လပ် တဲ့ အချက်အလက် ရှာဖွေရေး အဖွဲ့ကို ၀င်ခွင့်မပြုတာ၊ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ်နဲ့ ပူးပေါင်း ဆောင်ရွက်မှု ကနေ ရုပ်သိမ်းခဲ့တာ စတဲ့ လုပ်ဆောင်ချက်တွေ အပေါ်မှာ စိတ်မကောင်း ဖြစ်ရပါတယ်။”

လူ့အခွင့်အရေး ဆိုင်ရာ အဓိက စိုးရိမ်ချက်တွေ ထဲမှာ ရိုဟင်ဂျာ အသိုင်းအ၀ိုင်း အတွက် နိုင်ငံသား ဖြစ်ခွင့် ကိစ္စကို လုံလုံလောက်လောက် ဖြေရှင်းဖို့ နည်းလမ်းအဆင့်တွေ စတင်ဆောင်ရွက်ခြင်း မရှိသေးတဲ့ အချက်ကို အစီရင်ခံစာက တွေ့ရှိထား တယ်လို့ မဟာမင်းကြီးက ဆိုပါတယ်။

NVC နိုင်ငံသား စိစစ်ရေး ကဒ်ပြား ထုတ်ပေးတာကို ရပ်တန့်ဖို့၊ အခြေခံ လိုအပ်တဲ့ လူမှုဝန်ဆောင်မှုတွေ အတွက် ကြိုတင် ကန့်သတ်ချက်လို ဖြစ်နေတဲ့ NVC ကဒ် ရရှိရေး အတွက် လိုအပ်ချက်တွေကို ချက်ချင်း ဖယ်ရှား ပစ်ဖို့ အစီရင်ခံစာက တောင်းဆို ထားတယ်လို့လည်း ပြောပါတယ်။

အသက်မွေးဝမ်းကျောင်း အပါအ၀င် သူတို့ရဲ့ လူနေမှုဘ၀ မြှင့်တင်ရေး ကိုတောင် ရိုဟင်ဂျာတွေ လုပ်ပိုင်ခွင့် မရှိတာ၊ သူတို့ အသိုင်းအ၀ိုင်းကို ကိုယ်စားပြုတဲ့ ကိုယ်စားလှယ်ရှိဖို့ လိုအပ်နေတာ၊ စီမံခန့်ခွဲ ဆုံးဖြတ်ချက် တွေမှာ ပါဝင်ဖို့ လိုအပ်နေတာစတဲ့ အချက်တွေ ကိုလည်း အစီရင်ခံစာက ထောက်ပြထားတယ်လို့ သူက ပြောပါတယ်။ လာမယ့် ၂၀၂၀ အထွေထွေရွေးကောက်ပွဲ မတိုင်ခင် နိုင်ငံရေး ဖြစ်စဉ်တွေမှာ ရိုဟင်ဂျာတွေ ပါဝင်ခွင့် ရှိအောင် စီမံဆောင်ရွက်ဖို့ လည်း အစီရင်ခံစာက အကြံပြုထား တယ်လို့ လူ့အခွင့်အရေး ဆိုင်ရာ မဟာမင်းကြီး Michelle Bachelet က ပြောပါတယ်။

အထူးသဖြင့် ရိုဟင်ဂျာ အသိုင်းအ၀ိုင်း ကို စနစ်တကျ ခွဲခြားဆက်ဆံတာ၊ လွတ်လပ်စွာ သွားလာခွင့် အပေါ် ကန့်သတ်ထားတာ စတဲ့အချက်တွေ ဟာ ရိုဟင်ဂျာတွေရဲ့ လူ့အခွင့် အရေးနဲ့ အခြေခံ လွတ်လပ်ခွင့်ကို ဆက်လက်ပြီး အကြီးအကျယ် ထိခိုက် ဆုံးရှုံးစေပါတယ်။ ရခိုင်အကြံပေးကော်မရှင်နဲ့ ကုလ သမဂ္ဂ လူ့အခွင့်အရေး ကော်မရှင်က အကြိမ်ပေါင်းများစွာ အကြံပြုထားတဲ့ အချက်တွေ အတိုင်း ဒီအခြေအနေကို အဆုံးသတ်စေရေး ချက်ချင်း အကောင်အထည် ဖေါ်ဆောင်ရွက်ဖို့ အစီရင်ခံစာက တောင်းဆိုထား ပါတယ်။

https://burmese.voanews.com/a/unhcr-bachelet-briefs-states-on-myanmar/4840245.html

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: