Leave a comment

ဘယ်လိုနိုင်ငံတကာစုံစမ်းမှုမျိုးမှ လက်ခံမှာမဟုတ်

image

Friday, April 5, 2019

လူ့အခွင့်ရေးကောင်စီကဖွဲ့ထားတဲ့ စုံစမ်းရေးအဖွဲ့တွေကို လက်မခံ
မြန်မာအရေးစုံစမ်းမယ့် ကုလသမဂ္ဂ ယန္တရားအဖွဲ့ ဖွဲ့စည်းထားရှိတာကိုရော၊ အဲဒီ အဖွဲ့ကို ဦးဆောင်ဖို့ဆိုပြီး အမေရိကန် ဝါရင့်ရှေ့နေ နီကိုးလပ်စ် ကုမ်ဂျီအန် (Nicholas Koumjian) ကို ကုလသမဂ္ဂ အတွင်းရေးမှူးချုပ်က အခုရက်ပိုင်းမှာပဲ ခန့်အပ်လိုက်တဲ့အဖြစ်ကိုရော မြန်မာအစိုးရက အသိအမှတ်မပြုဘူးလို့ နယူးယောက်မှာရှိတဲ့ ကုလသမဂ္ဂဆိုင်ရာ မြန်မာသံအမတ် ဦးဟောက်ဒိုစွမ်းက ပြောပါတယ်။

မြန်မာ့အရေးကို နိုင်ငံတကာ စုံစမ်းမှု ပြုလုပ်ခွင့်မပေးဘူးဆိုတဲ့ ရပ်တည်ချက်မျိုး ဘာလို့စွဲကိုင်ထားရတာလဲဆိုတာ သိရဖို့ ဦးဟောက်ဒိုစွမ်းကို ဘီဘီစီက ဆက်သွယ် မေးမြန်းထားပါတယ်။

ဘီဘီစီ။ နီကိုးလပ်စ် ကုမ်ဂျီအန် ဦးဆောင်မယ့် ကုလသမဂ္ဂ စုံစမ်းရေး ယန္တရားကို မြန်မာအစိုးရက လက်ခံပြီး ပူးပေါင်းဆောင်ရွက်မှာလား။

ဦးဟောက်ဒိုစွမ်း။ ကျွန်တော်တို့က လက်မခံဘူး။ ဒီယန္တရားကို ဖွဲ့ခဲ့တဲ့ လူ့အခွင့်အရေးကောင်စီရဲ့ ဆုံးဖြတ်ချက်ကို ကျွန်တော်တို့က လက်မခံဘူးလေဗျာ။ ဒီဟာ မတိုင်ခင်ကတည်းက ဖွဲ့ထားတဲ့ အချက်အလက်ရှာဖွေရေးအဖွဲ့ FFM ကိုလည်း ကျွန်တော်တို့က လက်မခံဘူး၊ အသိအမှတ်မပြုဘူး။ အခု ယန္တရားထပ်ဖွဲ့တယ်၊ အဲဒီ ယန္တရားကို ဦးဆောင်ဖို့လူ ခန့်တယ်ဆိုတာလည်း ဒီသဘောတရားပဲလေဗျာ။ ဒီ ယန္တရား mechanism ကို လက်မခံတဲ့ အတွက်ကြောင့် ဒီ mechan ism နဲ့ ပတ်သက်ပြီး ဆောင်ရွက်လာတာကိုလည်း လက်ခံစရာ အကြောင်း မရှိဘူး။

ဘီဘီစီ။ ပိုပြီး ရှင်းရှင်းလင်းလင်း ဖြစ်သွားအောင်ပါ။ FFM ကို လက်မခံဘူး၊ ဝင်ခွင့်မပြုဘူး ဆိုတာသိထားပြီးပါပြီ။ အခု FFM နဲ့ မတူတဲ့ သတ်သတ် ယန္တရားကိုပါ မြန်မာအစိုးရက အသိအမှတ်မပြု၊ လက်မခံဘူးဆိုတဲ့ အဓိပ္ပာယ်လား။

ဦးဟောက်ဒိုစွမ်း။ ဒီယန္တရားရဲ့ ပုံစံက FFM နဲ့ ဘာမှမထူးဘူး။ သူတို့ပြောတဲ့ ကျူးလွန်မှုဆိုတဲ့ဟာတွေကို အချက်အလက်တွေ စုစောင်းပြီး သိမ်းထားမယ်ဗျာ၊ ပြီးလို့ရှိရင် သူတို့ရဲ့ ရည်ရွယ်ချက်က နိုင်ငံတကာခုံရုံးမှာ အရေးယူဖို့ ကိစ္စပေါ်လာရင် အဆင်သင့်ဖြစ်အောင်လို့ ဆိုပြီး လုပ်တာ။

ဘီဘီစီ။ နိုင်ငံတကာစုံစမ်းမှုကို လက်မခံနိုင်ဘူးဆိုတာ မြန်မာအစိုးရ အနေနဲ့ ဘယ်အပေါ် အဓိက စိုးရိမ်မှု ရှိလို့ပါလဲ။

ဦးဟောက်ဒိုစွမ်း။ ကိုယ့်ကိစ္စ ကိုယ်ဖြေရှင်းရမှာပေါ့ဗျာ။ နိုင်ငံတကာကလုပ်မယ်ဆိုတာ ဘက်မလိုက်ဘဲနဲ့ လုပ်ပေးနိုင်မယ်လို့ ဘယ်သူ အာမခံမလဲ။ သမာသမတ်ကျမှု ဘယ်လောက်ရှိသလဲ၊ ကုလသမဂ္ဂရဲ့ စံနှုန်းတွေအပေါ် လိုက်နာပြီး ဘယ်လောက်လုပ်မလဲ … ဒါတွေ ကျွန်တော်တို့ မေးခွန်းထုတ်စရာတွေ အများကြီးရှိတယ်။ ဒီနေ့ ကမ္ဘာမှာ ဖြစ်ပျက်နေတာတွေ ကြည့်ပေါ့ဗျာ။ အားနည်းတဲ့သူတွေ အပေါ်မှာပဲ ဖိနှိပ်မှုတွေက များနေတာပဲ။ ဒီယန္တရားအကြီးအကဲကို အတွင်းရေးမှူးချုပ်က ခန့်တယ်လို့ ဆိုပေမဲ့၊ ဒီယန္တရား ထူထောင်ဖို့ဆိုတာ လူ့အခွင့်အရေးကောင်စီက ဆုံးဖြတ်ထားတာ။ ဒီအကြီးအကဲ ရာထူးဆိုတာ လက်ထောက်အတွင်းရေးမှူးချုပ် အဆင့်ရှိတဲ့ ရာထူးနေရာ။ ဘတ်ဂျက်ကို ဒေါ်လာ သန်း ၆ဝ ကျော်လောက် ဖြုန်းပြီးမှ သူတို့ ဖွဲ့စည်းတာ။ ခန့်ဖို့ဆိုတာ အတွင်းရေးမှူးချုပ်ကို တာဝန်ပေးလို့ အတွင်းရေးမှူးချုပ်က ရွေးပြီး ခန့်လိုက်တဲ့ သဘောပဲ။

ဘီဘီစီ။ ရခိုင်ပြည်နယ်မြောက်ပိုင်းမှာ ဘာတွေ တကယ်ဖြစ်ပျက်ခဲ့လဲ၊ လူတွေ သိန်းချီပြီး တစ်ဘက်ကို ဘာလို့ ထွက်ပြေးသွားရလဲ ဆိုတဲ့ အဖြစ်မှန်တွေ ပေါ်ပေါက်ဖို့ရာ မြန်မာအစိုးရဘက်ကရော စုံစမ်းနေမှုတွေ ရှိလားဗျ။

ဦးဟောက်ဒိုစွမ်း။ အဲဒါတွေလဲ ဆရာတို့ ပြန်ကြည့်လိုက်ပါ … ခုဆိုရင် လွတ်လပ်တဲ့စုံစမ်းရေးကော်မရှင် Independent Commission of Enquiry(ICOE) ဆိုပြီး ဖွဲ့ထားတာရှိတယ်။ ကျွန်တော်တို့ သတင်းစာတွေကနေလည်း ကြေညာထားတယ်။ လူ့အခွင့်အရေးနဲ့ပတ်သက်ပြီး ချိုးဖောက်မှုရှိတယ်ဆိုရင် အဲဒီ အဖွဲ့ကို တိုင်ကြားနိုင်တယ်။ အဲဒီအဖွဲ့မှာ နိုင်ငံခြားက ကျွမ်းကျင်တဲ့ ပုဂ္ဂိုလ်ကြီး နှစ်ယောက်လည်း ပါတယ်။ ကျွန်တော်တို့ mechanism နဲ့ ကျွန်တော်တို့ လုပ်နေတာပဲ။

ဘီဘီစီ။ ကုလသမဂ္ဂနဲ့ မြန်မာအစိုးရနဲ့ ကြားထဲမှာ စုံစမ်းရေးယန္တရားမျိုး မဟုတ်ဘဲ ပူးပေါင်းဆောင်ရွက်နိုင်ဖို့အတွက် သီးသန့်ယန္တရား ဒါမှမဟုတ် အဖွဲ့မျိုးရော ပေါ်ပေါက်လာဖို့ ရှိပါလား။

ဦးဟောက်ဒိုစွမ်း။ သီးသန့် ယန္တရားရယ်လို့ မရှိပါဘူး။ နယူးယောက်ပိုင်းမှာ UN ရုံးချုပ်နဲ့ ဆက်သွယ်ဖို့ဆိုတာ ကျွန်တော်တို့ လက်ခံထားတဲ့ အတွင်းရေးမှူးချုပ်ရဲ့ အထူးကိုယ်စားလှယ် ခရစ္စတီးနား ဘူဂနာ (Christine Burgener) ရှိတယ်လေ။ သူ မြန်မာနိုင်ငံကို ခဏခဏ လာနေတာပဲ။ လူ့အခွင့်အရေးသက်သက်ရယ်လို့ မဟုတ်ဘဲ သူနဲ့ ကျွန်တော်တို့ ပူးပေါင်း ဆောင်ရွက်နေတယ်။ သူ့ကိုလည်း အတွင်းရေးမှူးချုပ်က ခန့်ထားတာပဲ။ အပြုသဘောဆောင်တဲ့ ပူးပေါင်းဆောင်ရွက်မှုဆိုရင် ကျွန်တော်တို့က လက်ကမ်း ကြိုဆိုတယ်။

#BBC Burmese

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: